Qëllohet me armë Ministri i Brendshëm pakistanez

Ministri i brendshëm i Pakistanit, Ahsan Iqbal, është plagosur në një sulm me armë në rajonin lindor të provincës qendrore Punjab, thanë zyrtarët për mediat lokale.

Ikbali u qëllua në shpatull në një miting elektoral, sipas ministrit Talal Chaudhry.

Politikani është jashtë rrezikut për jetën, tha djali i tij Ahmed, për  stacionin televiziv lokal Geo Neës. “Ai po trajtohet në spitalin e qarkut në Naroëal. Ai është i ndërgjegjshëm dhe jashtë rrezikut”.

Një i dyshuar është arrestuar dhe një hetim është duke u zhvilluar, qeveria e provincës Punjab konfirmoi në Tëitter.

Kryeministri i Pakistanit, Shahid Khaqan Abbasi, ka dënuar përpjekjen e vrasjes dhe ka kërkuar një raport mbi incidentin nga policia.

Ikbali është gjithashtu një udhëheqës i Lidhjes Muslimane të Pakistanit (Naëaz). Zgjedhjet e përgjithshme janë planifikuar të zhvillohe në Pakistan në korrik për të zgjedhur Asamblenë Kombëtare të vendit.

Ministri i brendshëm shprehu shqetësime muajin e kaluar se kishte një komplot për të penguar partinë qeverisëse PML-N në zgjedhjet e ardhshme.