VIDEO/ Arrestohet italiani dhe shqiptari, sekuestrohen 206 kg marijuanë dhe mijëra euro

Dy persona, një italian dhe një shqiptar, u arrestuan nga policia në Milano me akuzën e trafikut të lëndëve narkotike.

Mediat italiane raportojnë se italiani, 50 vjeç, nga Bovisio Masciago dhe 52-vjeçari shqiptar me banim në Milano, u arrestuan për akuzat e posedimit dhe shpërndarjes së lëndëve narkotike.

Ata u kapën në momentin teksa po shkarkonin nga një kamion thasë të zinj dhe çanta të mëdha brenda së cilave u gjet një sasi prej 206 kilogram marijuanë.

Operacioni policor u zhvillua të shtunën në mbrëmje në zonën industriale të komunës italiane Settimo Milanese.

Identitete e personave të vënë në pranga nuk bëhen me dije, nga raportimet e medieve lokale.

Në banesën e shqiptarit, shofer i fugonit, efektivët gjetën edhe 62 mijë e 880 euro.