Qeveria: Shkarkohet, nuk përmbushi objektivat! Ambasada e SHBA: Gledis Nano, partner i fortë!
Pas shkarkimit të Drejtorit të Përgjithshëm të Policisë së Shtetit, Gledis Nano, për shkak të mospërmbushjes së objektivave, ka reaguar Ambasada e SHBA në Tiranë duke e vlerësuar si një partner të fortë.
“I shprehim vlerësimin tonë Gledis Nanos, i cili ishte një partner i fortë i si drejtor i Policisë së Shtetit shqiptar dhe më parë, si drejtor i Zyrës kundër Terrorizmit,” thuhet në reagimin e Ambasadës amerikane përmes rrjetit social Twitter.
Ndryshe, pas shkarkimit nga Qeveria e Shqipërisë, ministri i Brendshëm, Bledi Çuçi, sqaroi sot se Drejtori i Përgjithshëm i Policisë së Shtetit, u shkarkuar për shkak të mospërmbushjes së objektivave që kishin vënë dhe kryesisht lidhet me situatën e krijuar në muajt e fundit, situatë që, sipas Çuçit, kërkon një reagim më të fortë dhe një menaxhim më efikas të Policisë së Shtetit.
