“Rama 3” me Kodin e Etikës, PD: Propagandë e qeverisë më të korruptuar në Ballkan!
Pas betimit të Qeverisë Rama 3 dhe shfaqjes me mbledhjen e parë ku si risi e madhe u shit nga Kryeministri Edi Rama respektimi i Kodit të Etikës ka reaguar Partia Demokratike përmes zëdhënëses së Grupit Parlamentar, Orjola Pampuri, duke e cilësuar si propagandë bajate të qeverisë më të korruptuar në Ballkan, për t’iu hedhur hi syve, qytetarëve.
“Të gjithë e mbajmë mend me sa ‘etikë’ u ngrit sistemi nepotik në qeveri, me sa ‘etikë’ vëllezër e kushërinj ministrash gëzuan paprekshmërinë për t’u kthyer në zota të drogës dhe trafiqeve, duke dëshmuar se fjalët e shumta mbi etikën fshihnin pikërisht mungesën e saj,” thekson Orjola Pampuri pasi si atëhere edhe tani, PPP-ja Rama, Doshi, Rakipi, bashkëqeverisjen, e ka me krimin dhe kundër interesave të shqiptarëve.
Reagimi:
Propaganda bajate e qeverisë më të korruptuar në Ballkan, i darkave te Nusreti dhe hoteleve 700 euro nata, shfaq si risi Kodin e Etikës që qysh prej 2013-ës përdori për t’u hedhur hi syve, qytetarëve.
Të gjithë e mbajmë mend me sa ‘etikë’ u ngrit sistemi nepotik në qeveri, me sa ‘etikë’ vëllezër e kushërinj ministrash gëzuan paprekshmërinë për t’u kthyer në zota të drogës dhe trafiqeve, duke dëshmuar se fjalët e shumta mbi etikën fshihnin pikërisht mungesën e saj, pasi si atëhere edhe tani, PPP-ja Rama, Doshi, Rakipi, bashkëqeverisjen, e ka me krimin dhe kundër interesave të shqiptarëve.
