Rama i kërkoi hetimin e Berishës, Kreu i SPAK: Do të ketë presione, Ne do jemi korrekt me ligjin!

Pas akuzave të Kryeministrit Edi Rama dhe “urdhrit” që SPAK të hetoj Ish-Presidentin e Republikës, Sali Berisha, dhe Presidentin aktual Ilir Meta, kreu i Këshilli i Lartë i Prokurorisë, KLP, Alfred Balla, në mbledhjen e sotme e pyeti kreun e Prokurorisë së Posaçme, SPAK, ku po raportonte për vitin 2021, lidhur me aludimet për njëanshmëri, situatë që për Arben Krajën tha se është e pritshme, do të ketë opinione dhe presione por është e rëndësishme që ata të jenë korrekt me zbatimin e ligjit. .

“Këto dite retorika politike ka aluduar për njëanshmëri dhe ngadalësim të disa çështjeve sensitive nga ana juaj. Si ndihet moralisht trupa e prokuroreve BKH? A ndjeheni nën presion?,” tha kreu i KLP, Alfred Balla, ndërsa u sqarua nga kreu i SPAK, Arben Kraja, se të gjithë prokurorët dhe BKH janë të ndërgjegjshëm që punojnë në institucion të rëndësishëm dhe për persona që kanë pushtet

“Dua të them që të gjithë prokurorët dhe BKH janë të ndërgjegjshëm që punojnë në institucion të rëndësishëm dhe për persona që kanë pushtet. Pa diskutim do të ketë opinione, do të ketë presione. Janë jashtë nesh të gjitha. E rëndësishme për ne është të jemi korrekt me zbatimin e ligjit. Kemi bërë një mbledhje. Ju kam thënë gjithë trupës, vazhdoni punë, vlerësoni provat.”

Ndryshe, Kryeministri Edi Rama për tre ditë dy herë akuzoi Prokurorin e Posaçme se po heton vetëm zyrtarët socialist madje edhe “kampionin e luftës kundër korrupsionit” Ardian Dvorani, ndërsa nuk heton Presidentin e Republikës, Ilir Meta, dhe Ish-Presidentin Sali Berisha i shpallur non grata nga SHBA!