Rama: Sot Samiti Ballkani Perëndimor-BE! Vuçiç: Sot Samiti i Ballkanit Hapur!
Sot Kryeministri Edi Rama e nisi ditën duke paralajmëruar përmes rrjeteve sociale Samitin e Ballkanit Perëndimor me BE në Tiranë, Samit për të cilin dje Presidenti i Serbisë, Aleksandar Vuçiç, e bëri të qartë se bëhet fjalë për Samitin e Ballkanit të Hapur ku pritet të firmoset Marrëveshja për Tregun Unik.
“Me veçantinë e një tjetër dite, ku Shqipëria mikpret Samitin e Ballkanit Perëndimor me BE për Planin e Ri të Rritjes, i cili do të mundësojë një mbështetje të re për gjashtë vendet e rajonit tonë,” shprehet mëngjesin e sotëm Kryeministri Edi Rama duke gënjyer shqiptarët se do të mundësojë një mbështetje të re për gjashtë vendet e rajonit tonë.
Braktisja nga Reccep Tayyip Erdogan, Kyriakos Mitsotakis, Albin Kurti, Talat Xhaferi dhe Milojko Spajiç e Samitit për Ukrainën dje në Tiranë paralajmëroi se pse mbahet takimi dhe kush do të triumfoi, gjë që rezultoi dhe me epilogun e këtij Samiti ku u konfirmua se ai i shërbeu vetëm Aleksandar Vuçiçit!
Sot, braktisja nga Presidentja e KE-së, Ursula Von der Leyen, dhe Kryeministri i Kosovës, Albin Kurti, e Samitit që Edi Rama e quan Ballkani Perëndimor-BE dhe mediat në shërbim të Ramës flasin për ndarjen e gjashtë miliardë eurove, tregon se vetëm me prezencën e Komisionerit për Zgjerimin e Fqinjësinë, Oliver Varhelyi, dhe “ardhjen” e Kryeministrit të Maqedonisë së Veriut, Talat Xhaferi, sot në Tiranë bie aromë e Ballkani të Hapur; Atij Ballkani që Edi Rama e mbylli, me urdhër të Vuçiçit dhe e hapi po me urdhër të Vuçiçit, duke i mbajtur sot dhe Samitin në Tiranë!
Gjithsesi, Agjenda e Samitit të Edi Ramës Ballkani Perëndimor-BE ose ai i Aleksandar Vuçiçit, Samiti i Ballkanit Hapur tregon rëndësinë e këtij Samiti:
Në orën 09:30 liderët do të mbërrijnë në Pallatin e Kongreseve
Rama dhe Komisioneri Varhelyi do të mbajnë fjalën në orën 09:45
Në orën 12:00 do të firmosen marrëveshjet
Rama dhe Varhelyi do të mbajnë konferencë në orën 12:30
Ndryshe, kur Presidenti i Serbisë, Aleksandar Vuçiç, dje tha para fillimit të Samitit për Ukrainën se do të heq nga Deklarata përfundimtare “sanksionet kundër Rusisë” dhe “ndikimin malinj në rajon” të gjithë e quajtën diversion, por, kur doli Deklarata përfundimtare dhe u pa se të gjitha pikat që paralajmëroi Vuçiçi ishin reale, mediat heshtën, Edi Rama ashtu si dhe Ambasadori i Ukrainës në Beograd, vazhduan punën e tyre në mbrojtjen e zonave sllave në Kosovë.
Çfarë do të ndodhë sot?! Mund ta thotë sërish Presidenti i Serbisë para nisjes së Samitit, gjithsesi ai e pagëzoi që dje “Samit i Ballkanit Hapur” dhe pas triumfit në Samitin e Ukrain u vetëkorrigjua në orët e mbrëmjes duke e shfrytëzuar diçiturën e një fotoje të thotë se është Samit rajonal mbi Planin e rritjes ekonomike dhe përafrimit!
