Rama tallet me Kurtin dhe Kosovën, në 1 shtator firmos Marrëveshje në Beograd
Kryeministri Edi Rama edhe një herë demonstron se sa antikosovar që është, edhe në kohën kur në veri të Kosovës më 1 Shtator priten tensione si për afatin e dhënë nga Kryeministri i Kosovës, Albin Kurti, për reciprotetin për targat ashtu dhe realitetin e sqaruar nga KFOR-i për prezencën në vendkalimet Bërnjak dhe Jarinje.
Më 1 shtator, kur Presidenti i Serbisë, Aleksandar Vuçiç, refuzon të firmos marrëveshjen me Kosovën për lirinë e lëvizjes për shkak të targave të Kosovës – RKS, Kryeministri Edi Rama i dëshmon botës se me Serbinë është e mundshme të arrihet marrëveshje, dhe me këtë shtet kriminal do të firmos në Beograd Marrëveshje për Sigurinë Ushqimore!
Ndërkohë Agjencia maqedone e lajmeve MIA, raporton se në 1 Shtator, Kryeministri i Shqipërisë, Edi Rama, Presidenti i Serbisë, Aleksandar Vuçiç dhe kryeministri i Maqedonisë së Veriut, Dimitar Kovaçevski, do të marrin pjesë në hapjen e Panairit të parë ndërkombëtar të verës, “Vizioni i verës” të Ballkanit të Hapur, në Panairin e Beogradit.
Panairi mbahet nën kujdesin e qeverive të Serbisë, Maqedonisë së Veriut dhe Shqipërisë, në kuadër të nismës “Ballkani i Hapur”.
Qeveria serbe ka njoftuar se ceremonia zyrtare e hapjes së Panairit të parë ndërkombëtar të verës, “Vizioni i verës” në Ballkani i do të mbahet më 1 shtator të vitit 2022, në orën 13:00 në Panairin e Beogradit, në Sallën 1.
Në këtë manifestim, raporton MIA, praninë e ka paralajmëruar edhe kryeministri malazez Dritan Abazoviç, ndërsa presidenti serb njoftoi se priten edhe ministrat e jashtëm të Hungarisë dhe Turqisë.
Më 2 shtator është planifikuar pjesa politike e Iniciativës nga Ballkani i Hapur, ndërsa në mbrëmje kryeministri Dimitar Kovaçevski do të organizojë mbrëmje maqedonase, gjegjësisht ngjarje kulturore me degustimin e verërave dhe ushqimeve të shijshme maqedonase, të shoqëruar me muzikën e virtuozit Vllatko Stefanovski.
Ndërkohë KFOR ka paralajmëruar se me forcat shtesë vazhdojnë të qendrojnë në vendkalimet Jarinje dhe Brnjak duke vëzhguar me kujdes situatën.
“Miisioni i NATO-s vazhdon me kujdes të vëzhgoj situatën, Komanda Rajonale KFOR Lindje vazhdon qëndrimin në afërsi të vendkalimeve Jarinje dhe brnjak, me punktet e vendosura për kontrollin e trafikut dhe patrullimet në rajon së bashku me Njësitin multinacional të karabinierëve dhe Eulexin,” thekson KFOR-i duke garantuar sigurinë në gjithë Kosovën dhe stabilitetin në gjithë rajonin e Ballkanit Perëndimor.
Ndryshe, nesër qytetarët e Kosovës presin të shohin në vepër zbatimin e vendimit të Qeverisë së Albin Kurtit për targat, atë që dy javë më parë Aleksandar Vuçiç tha se nuk ka kurrfarë problemi për ta zbatuar ndërkohë sot e refuzon.
Ndërkohë pritet dhe një qëndrim i Bashkimit Europian, ai i cili ndërmjetëson dialogun Kosovës-Serbi, nëse do ti pranoj në të ardhmen në shtetet e BE targat që vazhdon ti lëshon Serbia për 10 mijë makina, KM, PR, PZ, PE, DJ, UR, e Qeveria e Albin Kurtit i shpalli të paligjshme.
