Raportuesi i PE: “Nuk është çështja të hapen kapitujt, por duhen mbyllur! Rama: Nëse na lini në baltë, do lini veten!

“Nuk është çështja që të hapen kapitujt, por duhen mbyllur. Këto reforma duhet të mbërrijnë te shoqëria!” Kaq mjaftoi që tha Raportuesi për Shqipërinë në Parlamentin Evropian, Andreas Schieder, në Konferencën Ndërparlamentare “Agjenda strategjike për zgjerimin e BE-së dhe anëtarësimin e Shqipërisë” që po zhvillohet në Tiranë, që Kryeministri Edi Rama të tërbohet duke ju thënë eurodeputetëve se shpreson shumë që të mos na lini në baltë se kështu do lënë në baltë edhe veten ndërsa kërkoi nga Raportuesit Schieder që të mos zgjatet shumë sepse ka një takim me disa gjermanë.

“Kërkoj ndjesë se kam një takim me gjermanët dhe nuk i lë dot të presin!”

Kjo sjellje e Edi Rama nuk kuptohet pas një fjale të vetme sepse filllimisht Raportuesi i Shqipërisë në Parlamentin Europian, Andreas Schieder, vlerësuar progresin e vendit në procesin e integrimit europian më shumë se Taulanti e Zegjineja, duke theksuar se Shqipëria ndodhet në një fazë të avancuar të negociatave me Bashkimin Europian.

“Shqipëria është një vend i bukur, me det dhe male. Dua të jap kontributin tim për të finalizuar këtë moment historik. Edhe pse procesi mund të ketë zgjatur, ajo që ka rëndësi është objektivi dhe ritmi i reformave. Shqipëria duhet ta shfrytëzojë këtë vrull për të avancuar drejt anëtarësimit në BE.

Shqipëria është pararendëse e Ballkanit Perëndimor për t’u integruar në BE,” tha raportuesi europian, duke iu referuar edhe vlerësimeve të komisioneres për Zgjerimin, Marta Kos duke u ndal edhe te raporti i këtij viti për Shqipërinë, duke theksuar se ai është miratuar me vullnet dhe se procesi duhet të shoqërohet me vëmendje ndaj të gjitha fushave të reformave.

“Duhet të shohim të gjitha çështjet, shtetin e së drejtës, ku Shqipëria ndërmori procesin e vettingut,” tha ai, duke përmendur gjithashtu sistemet sociale, sistemin shëndetësor dhe politikën e jashtme, ku sipas tij Shqipëria është në përputhje me qëndrimet e BE-së.

Raportuesi për Shqipërinë theksoi se tashmë vendi ndodhet në fazën e fundit të procesit dhe se mbeten ende disa kapituj për t’u përmbyllur, u shpreh Schieder duke shtuar: “Kryenegociatori është me ne këtu, tani ndodhemi në fazën e fundit të garës. Ka ende disa kapituj që duhen mbyllur. Shqipëria ka qenë eprore.”

Fokusi, tha ai, nuk duhet të jetë vetëm te hapja e kapitujve, por te përfundimi i tyre dhe zbatimi i reformave në praktikë, sinqeritet i Raportuesit të PE që acaroi Kryeministrin e Taos dhe gjinesë.

“Nuk është çështja që të hapen kapitujt, por duhen mbyllur. Këto reforma duhet të mbërrijnë te shoqëria. Duhet të formësohet e ardhmja e vendit. Shqipëria ka ende kohë për të përmbushur hapat e mbetur dhe se procesi nuk varet vetëm nga puna e institucioneve shqiptare, por edhe nga mënyra se si Bashkimi Europian do ta trajtojë zgjerimin, tha Raportuesi i Shqipërisë në Parlamentin Europian, Andreas Schieder, duke përfunduar:

“Shqipëria meriton që të jetë anëtare e BE-së. Kemi parë që Shqipëria dhe Kuvendi e kanë ndërmarrë këtë sfidë mjaft të fortë, por në fund fare është çështje e BE-së se si e trajton. Nuk është thjesht çështje e Brukselit dhe e Shqipërisë.”

Por, truri i Edi Ramës nuk ka po asnjërën nga fjalët e bukura që tha Raportuesi i PE, iu vërsul duke e kërcënuar edhe me bashkimin me Rusinë dhe Kinën:

“Unë shpresoj shumë që të mos na lini në baltë. Nëse do na linit ne si Ballkan, do linit në baltë edhe veten.

Nëse Europa do linte në baltë Ballkanin Perëndimor, do të ishte një dështim shumë i madh. Ka nga ata që ngurrojnë që ta shikojnë Ballkanin Perëndimor pjesë të Europës. Pavarësisht ngurrimit apo zellit, uroj që të gjithë të gjejnë rrugën për të dhënë një sinjal shumë të fortë.

Nuk është e vështirë që të gjendet një rrugë e tillë, është shumë e thjeshtë. Është si ai moment i Helmut Kohl, që ra Muri i Berlinit. Tani ne jemi bashkë. Nga ai moment e tutje nisi ai momenti i riibashkimit, e mbase nuk ka përfunduar totalisht, sepse dallime ka akoma. Vendimet politike duhet të merren dhe proceset të ndërmerren, në bazë të meritës, sipas meritës që kanë vendet,” tha Edi Rama por e kur e pa se në sallë mungonte ai ilariteti i zakonshëm burokratik ndryshoi kursi duke thënë se dëshiron të jetë pjesë e Europës.

“Shtatë fëmijë ka Ursula dhe shtatë kandidatë ka për në BE. Ajo nuk i tha vajzës që luaj me gangsterin rus atje në cep. Ajo nuk i tha djalit shko e luaj me lojëra kineze, se nuk mund të jesh pjesë e tavolinës. Jo, duhet të jesh në tavolinë.

Pa dyshim që jo të gjithë aty në tavolinë nuk kishin të njëjtën tonalitet zëri. Duhet të themi që ‘hajde të gjithë rreth kësaj tavoline’. Pastaj t’i lihet çdo gjëje meritokracisë, nëse po punon për një kapitull tjetër atëherë je një nga fëmijët e Ursulës, që nuk është rritur ende. Ne duam të jemi pjesë e Europës.”