Reforma Zgjedhore/ Realizimi, BE: Shqipëria e përcakton strukturën!

Bashkimi Europian rithekson nevojën që të gjithë aktorët politikë në të kontribuojnë përmes dialogut për Reformën Zgjedhore ndërsa i takon Shqipërisë të përcaktojë strukturën e cila do realizoj këtë reformë.

Zëdhënësja e Bashkimit Europian, Maja Kocijançiç, tha për Agjencinë Telegrafike Shqiptare, ATSH, se kjo reformë dhe zbatimi i rekomandimeve të OSBE-ODIHR janë një test i rëndësishëm për vendin.

“Reforma zgjedhore dhe zbatimi i rekomandimeve të qarta të OSBE-ODIHR-it janë një test i rëndësishëm për Shqipërinë,” tha Maja Kocijançiç ndërsa struktura që do të përdoret e përcakton Shqipëria:

“I takon Shqipërisë të përcaktojë se cila strukturë duhet të përdoret për të lehtësuar konsultimin dhe për ta çuar më tej këtë reformë,” Kocijançiç për ATSH duke ritheksuar:

“BE rithekson nevojën që të gjithë aktorët politikë të demonstrojnë gatishmëri të vërtetë për të kontribuar, përmes dialogut konstruktiv, dhe për të bërë progres me reformën zgjedhore.”