Reshje bore/ Hapet rruga e Shishtavecit, kryebashkiaku i Kukësit apel qeverisë…

Pas apelit të banorëve të Shishtavecit dhe heshtjes së qeverisë, bashkia e Kukësit përmes një kompanie kontraktore ka mundësuar sot nxjerjen e tyre nga izolimi, duke bërë të mundur hapjen e rrugës që lidhë këtë zonë me qytetin e Kukësit.

Kryetari i bashkisë Kukës, Bashkim Shehu I cili ishte në Shishtavec e Novosej për të parë nga afër situatën dhe proçesin për hapjen e rrugëve, ripërsëriti edhe një herë kërkesën ndaj Qeverisë dhe institucioneve përgjegjëse për të riparë procedurën e rrugës Kukes-Shishtavec.

“Janë rreth  500 milion lekë që duhen për mirëmbajtjen, e barabartë me 75% të gjithë buxhetit të Bashkisë.Kjo tregon edhe njëherë se ndarja e re territoriale është një dështim nëse nuk mbështetet nga qeveria dhe institucionet qëndrore,” tha kryetari i bashkisë Kukës, Bashkim Shehu, duke ju kërkuar banorëve të bëjnë kujdes ndonëse rruga është e hapur për momentin, mjetet të mos lëvizin pa zinxhirë sepse ka borë dhe reshje të mëdha.

Puna për hapjen e rrugëve ka vijuar dhe në Novosejë, Kalis, Topojan, Terthore, Bicaj, Surroj, Malzi, Bushtricë e Grykëcaje.