Rezoluta për dialogun me Serbinë nuk u miratua nga Parlamenti i Kosovës

Rezoluta e propozuar nga opozita lidhur me dialogun me Serbinë, nuk u miratua sot nga Parlamenti i Kosovës.

Në seancën e jashtëzakonshme që u zhvillua sot, vetëm 50 deputetë kanë votuar për rezolutën e propozuar nga Lidhja Demokratike e Kosovës e cila përcakton angazhimin e presidentit të Kosovës Hashim Thaçi në dialogun me Serbinë.

Edhe pse kishte deputetë të mjaftueshëm në sallë për rezolutën kanë votuar vetëm 50 deputetë ndërsa nuk ka pasur asnjë abstenim dhe asnjë votë kundër.

Pas kësaj deptuetët e LDK-së dhe Lëvizjes Vetëvendosje kanë braktisur seancën.