Roma kampione e Ligës së Konferencave

Roma mposhti Feyenoordin në finalen e Ligës së Konferencave, me rezultatin 1-0, duke siguruar kështu trofeun e parë të ligës më të re Europiane.

Goli i Nikolo Zaniolos, në minutën e 32-të, i dhuroi këtë sukses të artë kryeqytetasve italianë, të cilët kishin pritur më shumë se 60 vite, për të provuar shijen e një trofeu Europian për klube.

Edhe pse holandezët, bënë gjithçka në pjesën e dytë, për të barazuar sfidën, fati nuk ishte me ta, teksa goditën 2 herë shtyllën. Në fund, festë e çmendur e italianëve.

Trofeun e parë të Ligës së Konferencave në “Air Albania” në Tiranë e dorëzoi kapiteni legjendar i kuqezive, Lorik Cana.

FT: ROMA-FEJNORD 1-0

Formacionet zyrtare:

ROMA: Rui Patrisio, Karsdorp, Mançini, Smolling, Ibanjez, Zalevski, Zaniolo, Pelegrini, Kristante, Mkitarjan, Abraham.

Trajner: Zhoze Murinjo

FEJNORD: Bilov, Gertruida, Trauner, Senesi, Malakia, Kokçy, Aursenes, Til, Sinistera, Nelson, Desers.

Trajner: Arne Slot

Gjyqtarë: Istvan Kovaç (Kryesorë), Vasil Florian Marinesku (Asistentë), Ovidiu Artene (Asistentë), Sandro Sharer (I Katërt), Marko Fritz (VAR).