Roth takohet me Ramën/ Nevojitet shumë për t’u bërë, mund të mbështeteni tek ne…

Ministri i shtetit për Çështje Evropiane në Ministrinë e Jashtme gjermane Michael Roth gjatë vizitës sot në Shqipëri, zhvilloi një takim edhe me kryeministrin Edi Rama.
Ministri gjerman vlerësoi reformat e qeverisë shqiptare, ndërsa shtoi se duhet bërë më tepër. Megjithatë ai thotë se Shqipëria mund të mbështetet te Gjermania.
“Një takim vërtet i mirë me kryeministrin Edi Rama. Përpjekjet për ecurinë e reformave të qeverisë po ecin mirë. Megjithatë nevojitet shumë për t’u bërë. Le të vazhdojmë. Ju mund të mbështeteni tek ne”, shkruan në një postim në rrjetin social Roth.
Nesër ministri i Shtetit pritet të takohet me ministrin e Jashtëm, Ditmir Bushati, me të cilin do të japin edhe një konferencë për mediat.