Rruga e Kombit, Policia Rrugore ndëshkon 135 kosovarë, njëri ishte me shpejtësi 205 km/orë
Policia Rrugore ka ndëshkuar në aksin rrugorë Milot-Morinë 144 shtetas që drejtonin automjetin me shpejtësi nga 150 km/orë deri në 205 km/orë, 135 prej të cilëve ishin kosovarë.
Nëntë shtetasve shqiptarë iu është pezulluar leja e drejtimit për periudha nga 3 deri në 12 muaj, si dhe iu janë zbritur nga 5 deri në 8 pikë nga leja përkatëse e drejtimit.
Rasti më ekstrem është ai në Rrugën e Kombit ku një drejtues i mjetit me tip Audi A8 u ka kap duke qarkulluar me shpejtësi 205 km/orë. Atij iu pezullua leja e drejtimit, iu zbriten 8 pikë dhe u gjobit me 40 mijë lekë, por Policia Rrugore thekson se qëllimi i vetëm i saj është mbrojtja e jetës dhe e shëndetit të përdoruesve të rrugës.
Në fund, duke bërë të ditur se në çdo aks ka radarë, Policia Rrugore këshillon drejtuesit e mjeteve të mos konsumojnë pije alkoolike, të heqin celularin nga dora dhe të shtojnë vigjilencën, duke përfunduar me mesazhin:
Mos shpejtoni të arrini detin, duke rrezikuar jetën dhe shëndetin!
Policia Rrugore/Mos shpejtoni të arrini detin, duke rrezikuar jetën dhe shëndetin!
-Qarkulloi me shpejtësi 205 km/orë, në Rrugën e Kombit, konstatohet nga mjetet inteligjente të Njësisë së Policisë Rrugore për Sigurinë e Autostradës “Milot-Morinë”, si dhe ndëshkohet me masë administrative 40 000 lekë të rinj dhe me masë plotësuese, drejtuesi i një automjeti tip “Audi A8”.
-Gjatë 2 javëve të para të muajit korrik, shërbimet e Njësisë së Policisë Rrugore për Sigurinë e Autostradës “Milot-Morinë”, të pajisura me mjete logjistike bashkëkohore, ndëshkuan 144 shtetas që drejtonin automjetin përkatës, me shpejtësi nga 150 km/orë deri në 205 km/orë, prej tyre:
-135 shtetas kosovarë u ndëshkuan me masë administrative sa dyfishi i masës administrative që parashikon Kodi Rrugor;
-9 shtetasve shqiptarë iu është pezulluar leja e drejtimit për periudha nga 3 deri në 12 muaj, si dhe iu janë zbritur nga 5 deri në 8 pikë nga leja përkatëse e drejtimit.
-Gjithashtu, gjatë kësaj periudhe, 70 automjete janë shpallur “Alert”, pasi qarkullonin me shpejtësi tej normave të lejuara, në tunelin e Kalimashit.
-Në fundjavë, në çdo aks ka radarë.
-Udhëto me jetën në mendje! Destinacioni pret.
-Nëse konsumon pije alkoolike gjatë fundjavës, mos drejto automjetin, por përdor mjetet e transportit publik!
-Hiq celularin nga dora!
-Shto vigjilencën!
-Policia qendron në rrugë për të të këshilluar dhe për të të ndihmuar. Qëllimi i vetëm i Policisë Rrugore, mbrojtja e jetës dhe e shëndetit të përdoruesve të rrugës.
