Saimir Tahiri del nga Gjykata, Avokati: Do bëjmë kallëzim për prokurorët…
Gjykata e Apelit të Krimeve të Rënda ka lënë në fuqi datën 10 mars si afatin përfundimtar për përfundimin e hetimeve për Ish-ministrin e Brendshëm, Samir Tahiri, tashmë të pandehur për Trafik Ndërkombëtar Droge në Bashkëpunim, Grup të Stukturuar Kriminal dhe Shpërdorim Detyre.
Pas daljes nga Gjykata, avokati i Saimir Tahirit, Maks Haxhia, dukshëm i ndikuar nga shoqërimi me një Zyrtar të lartë të Edi Ramës, i pandehur për trafik ndërkombëtar droge, nuk foli me gjuhën e avokatit por trafikantit, duke kërcënuar prokurorët me kallëzim:
“Prokuroria nuk asnjë provë dhe nuk ka sesi t’i ketë. Do të kërkojmë pushimin e çështjes. Ne pretendojmë që të na jepet një fakt. Do bëjmë kallëzim për prokurorët, “ u shpreh avokati i të pandehurit pë Trafik Ndërkombëtar të Drogës, Maks Haxhia, duke shtuar:
“Kanë nxjerrë aktet në opinion dhe së dyti i ka nxjerrë të deformuara për të përgatitur paaftësinë e tyre. Disponojmë dhe prova elektronike dhe të tjera se më kë ka komunikuar prokuroria”.
Ndryshe, më 28 shkurt Prokuroria për Krime të rënda mbylli hetimet dhe çoi dosjen ne Ish-ministrit të Brendshëm Saimir Tahiri në Gjykatë me akuzën për Trafik Ndërkombëtar Droge në Bashkëpunim, Grup të Stukturuar Kriminal dhe Shpërdorim Detyre së bashku me 3 Ish-Zyrtarët e lartë të policisë së Vlorës, Jaeld Çela, Gjergji Kohila dhe Sokol Bode.
