Samiti BE-Ballkan, Rama i tregon dhëmbët Bullgarisë, Vuçiç kancelarit Scholz!

Samiti BE-Ballkan që në fiilimet e tij në Bruksel veçoj dy liderët që hakërrehen ndaj atyre që nuk po kërkojnë shtetet normale demokratike nga ata që po drejtojnë si Shqipërinë ashtu dhe Serbinë. Moshapjen e neogciatave me Bashkimin Evropian, sot Edi Rama e cilësoi pengmarrje nga Bullgaria që po mban peng anëtarësimin e dy vende anëtare të NATO-s ndërsa kritikoi 26 vendet anëtare të BE pasi, sipas tij, po ulen dhe po shfaqin një skenë impotence.

“Ne s’do të jemi kurrë viktimë se e dimë që në këtë rrugë ka një Bullgari këtu dhe një Bullagri atje, por ne nuk e ndryshojmë kursin tonë dhe do e ndërtojmë Europën në vendin tonë,” tha Edi Rama ndërsa u pyet nga media bullgare ai iu hakërrye edhe gazetares bullgare skenë tashmë e parë në çdo dalje pulike në Tiranë.

“Ohh Bullgaria këtu. Jeni rrëmujë ju djema. Një rrëmujë e madhe dhe jeni një turp teksa mbani peng dy vete të tjera të NATO-s. Nuk pres lajme të mira sot, sepse siç e thashë dje u ngrit optimizmi por këtu jemi dhe është një ditë e re në Europë por jo në Bullgari!”

Ndërsa vëllau i tij prej “Ballkanit të hapur”, Presidenti i Serbisë, Aleksandar Vuçiç, i kënaqur që hapet Kapitulli 35 i negociatave kishte një përgjigje për kancelarin gjerman Olaf Scholz, i cili u shpreh se pret Serbia ta pranoj Kosovën ai ishte i perë edhe në Bruksel:

“Edhe unë i kam thënë, se ne nuk presim një gjë të tillë,” tha Vuçiç ndërsa shantazhoi sërish Bashkimin Europian duke u shprehur se ka përgjigje edhe për ata që kritikojnë nga Brukseli pse Serbia nuk i ka vendos sanksione Rusisë.

Në fund, ai paralajmëroi dhe një konferencë të veçantë të tre liderë të “Ballkanit të Hapur” përveç asaj që organizoj Presidenca e Këshillit Evropian me të gjithë liderët e Ballknait Perëndimor.

Por ndonëse quhet Ballkan, ky vend ka dhe lider normal:

“Jam këtu për të dhënë një mesazh të fortë në emër të qytetarëve të Kosovës, sepse këtu është vendi që përkasim, në mesin e familjes së kombeve. Të kësaj familjeje evropiane për të cilën kemi kontribuar ndër shekuj e për vlerat mbi të cilat sot BE-ja qëndron.  Qëndroj sot këtu për të dhënë edhe një mesash të fortë në emër të qytetarëve të Kosovës, sepse kemi nevojë për një zë të qartë nga BE-ja, kemi nevojë për një mesazh unik nga BE-ja, për Ballkanin perëndimor, sepse sa më shumë hapësirë që lihet, për faktorët e tjerë malinj, është e qartë se ata do ta përdorin. Shpresoj se do të dëgjojmë një perspektivë të qartë nga të gjitha vendet anëtare të BE-së,” tha Presidentja e Kosovës, Vjosa Osmani duke shtuar se për Kosovën dëshira e qytetarëve për integrimet euro-atlantike mund gjithçka tjetër.

“Ne nuk kemi shikuar asgjë tjetër dhe kjo është alternativa e vetme që kemi punuar për të dhe do të vazhdojmë për të punuar. Durimi ynë nuk do të zbehët. Prandaj për këtë arsye, besoj se të gjitha vendet e Ballkanit perëndimor meritojnë të jenë sot këtu për të shprehur qëndrimet e tyre dhe të shprehin zërin e qytetarëve të tyre. Dhe sigurisht, ata që më të vërtetë janë të përcaktuar për të lëvizur në rrugën e BE-së duhet të lëvizin përpara. Ata që besojnë se mund të lëvizin në rrugën e Moskës, në rrugën e Putinit, e në të njëjtën kohë edhe në rrugën e BE-së, nuk e meritojnë të jenë në rrugën e BE-së, sepse nuk mund të lëvizësh në të dy rrugët njëkohësisht,” tha Presidentja e Kosovës, Vjosa Osmani ndërkohë e pyetur nëse e ka fjalën për Serbinë ajo ishte e prerë:

“Padyshim. Deri më tani dhe fatkeqësisht Serbia nuk ka treguar asnjë dëshirë që të marrë qëndrim të plotë me atë të BE-në sa i përket sanksioneve ndaj Rusisë, e në këtë rast, përveç dëmtimit të perspektivës së tyre evropiane, ata po dëmtojnë tërë rajonin sepse po lejojnë ndikim më të madh rus në tërë rajonin. E kjo sigurisht se është shumë e dëmshme edhe për të ardhmen tonë afatgjate për paqe dhe stabilitet.”

Ndryshe, me përfundimin e Samitit BE-Ballkan që organizohet nga Presidenti i Këshillit Evropian, Charles Michek, ku asnjëri prej liderëve të Ballkanit nuk pret asgjë, pritet të filloi Samiti i liderëve të BE.