Samiti BE-Ballkan, Rama kërcënon: Ne shqiptarët nuk jemi aq të mirë sa të dorëzohemi bukur!

Me përfundimin e Samitit BE-Ballkan në Bruksel i cili zgjati më shumë se tre orë, dhe ku u bë e qartë edhe nga Kryeministri bullgar Kiril Petkov se zgjidhja e problemit me Maqedoninë e Veriut duhet gjendur në Parlamentin e Bullgarisë, Kryeministri i Shqipërisë, Edi Rama doli shumë më i zemëruar se sa kur u fut në Samit dhe ju hakërrye edhe gazetarëve bullgarë:

“Vend i bukur njerëz të këndshëm fjalë të bukura foto të bukura dhe imagjinoni sa më bukur mund të ishte nëse premtimet e bukura do të pasoheshin nga një dorëzim i këndshëm,” shprehet Ed iRama përmes rrjetit social Twitter duke përfunduar:

“Por ne shqiptarët nuk jemi aq të mirë sa të dorëzohemi bukur! Kështu që ne do të vazhdojmë dhe do të punojmë edhe më shumë për ta bërë Shqipërinë një anëtare të mirë të BE-së!”

Ekzaltimin të cilin e shiti dje Edi Rama me mediat nën kontroll mbi gatishmërinë e opozitës bullgare, sot e sqaroi kryeministri Petkov qeveria e të cilit dje nuk mori votëbesimin, duke theksuar se fajtor kryesor për situatën e krijuar është pikërisht lideri i opozitës dhe Ish-Kryeministri, Bojko Borisov.

“Në mëngjes ai ju thotë se do të mbështes hapjen e negociatat të Maqedonisë së Veriut me BE, që është gjë e shkëlqyer, dhe pasdite bllokon parlamentin. Këtë lloj politike e ka udhëhequr edhe vitet e kaluara,” ka sqaruar Kiril Petkov.

Pas Samitit BE-Ballkan pasoi dhe konferenca për shtyp e tre liderëve të Ballkanit të Hapur, Vuçiç – Rama – Kovaçevski, ashtu siç paralajmëroi dje ideatori i kësaj nisme, Presidenti i Serbisë, Aleksandar Vuçiç:

Ndryshe, gjatë pasdites, krerët e shteteve dhe qeverive të BE sot fillojnë Samitin dyditor të BE, ku pritet të miratohet dhënia e statusit kandidat për në Bashkimin Europian, Ukrainës dhe Moldavisë.