Shqipëria në rrezik, Sali Berisha: Në 7 korrik, protestë kundër qeverisë!

Qytetarët shqiptarë ndjejnë se janë në rrezik të madh dhe një thirrje e brendshme u thotë se duhet me çdo kusht t’i dalin zot vetes, të marrin në dorë fatin e tyre, tha sot Kryetari i PD, Sali Berisha, duke bërë të ditur se më 7 Korrik, ora 19:00, në Tiranë do të mbahet protesta kundër qeverisë, pasi me vendosjen e monizmit, dhe zhdukjen e check and balance, kushtetutshmëria ka rënë.

“Sirenat e alarmit për Shqipërinë në rrezik po bien në të katër anët e vendit. Mbrëmë në një tryezë me drejtues, aktivistë të shoqërisë civile, personalitete të mirënjohur në këtë fushë, mendoj se kryefjala e asaj tryeze të jashtëzakonshme, të paparë ndonjëherë, ishte një dhe vetëm një: protestë, protestë dhe vetëm protestë. Qytetarët shqiptarë, duke filluar nga interesi i tyre kombëtar, tek shëndeti, vendi i punës, xhepat e tyre, ndjejnë se janë në rrezik të madh, ndjejnë një thirrje të brendshme se duhet me çdo kusht t’i dalin zot vetes, të marrin në dorë fatin etyre dhe të fëmijëve të tyre,” tha Sali Berisha duke paralajmëruar protestën më 7 Korrik:

“Kjo protestë është e hapur për të gjithë shqiptarët dhe është në 7 korrik në ora 7 e darkës. Në Tiranë, në sheshin e saj më të mëdha. Tirana e tëra do derdhet. Para shqiptarëve në radhë të parë dhe do të protestohet ndaj qeverisë, parlamentit. Mund t’u them se me vendosjen e monizmit, dhe zhdukjen e check and balance, kushtetutshmëria ka rënë,” tha Kryetari i PD duke shtuar se do të vendoset nëse do jetë protesta e vetme gjatë verës ndërsa përfundoi:

“Me drejtuesit e lartë të PD është konsultuar data e protestës, por data i është lënë nderi, sepse kishte një takim me shoqërinë civile, dhe kjo nuk është vetëm protestë e PD, por e PD dhe shoqërisë civile. Duhej që data të gjente një miratim të plotë nga shoqëria civile. Ju e patë se si u duartrokit. Rama nuk është larguar, por do të largohet.”