Samiti BE-Ballkani Perëndimor, DW: Pa rezultate!

Takimi i nivelit të lartë mes krerëve të qeverive dhe shteteve të 27 vendeve anëtare me krerët e Ballkanit Perëndimor që presin anëtarësimin përfundoi sot në Bruksel pa rezultate konkrete. Siç u kuptua që dje, pas rrëzimit të qeverisë bullgare një ditë më parë, bllokada e çeljes së negociatave me Shqipërinë dhe Maqedoninë e Veriut ende vazhdon, siç bëri të ditur një diplomat në Bruksel pas katër orë bisedimesh, raporton Agjencia e lajmeve DPA.

Afrim nuk ka pasur as me Serbinë në lidhje me çështjen e sanksioneve të BE kundër Rusisë. Serbia, vend që ka çelur me negociatat me BE refuzon të vendosë sanksione ndaj Rusisë tradicionalisht mike.

Madje sot edhe konferenca e planifikuar për shtyp e presidentit të Këshillit të BE, Charles Michel me Presidentin francez, Emmanuel Macron dhe Presidenten e Komisionit të BE, Ursula von der Leyen u anulua për shkaqe kohore.

Gjatë pasdites, krerët e shteteve dhe qeverive të BE sot fillojnë Samitin e BE, ku bëhet fjalë për dhënien e statusit kandidat për në BE, Ukrainës dhe Moldavisë. Pritet një vendim pozitiv i samitit për të dy vendet, kurse Gjeorgjia pritet të marrë vetëm “një perspektivë europiane”./DW/