Seancë plenare, zhvlerësimi i interpelancave në proces
Pas zhvlerësimiti të shumë institucioneve nga ana e Edi Ramës, sot vazhdon procesi i zhvlerësimit të interpelancës, ku paturpësisht sot mazhoranca fut në një seancë plenare interpelancën me Kryeminisrin Edi Rama, dhe ato me mëkëmbësit e tij: Zv/Kryeministren, Ministrin e Financave, Ministrin e Pushtetit Vendor, dhe, me Ministrin e Brendshëm, dy interpelanca!
E sigurt është se me përfundimin e këtyre interpelancave, shqiptarët me duart në kokë do ta pyesin veten se pse bëhen këto interpelanca kur Qeveria Rama i përdor vetëm për tallje dhe në asnjë moment për të sqaruar as deputetin që e kërkon e aq më oak qytetarin!
Kështu, seanca e sotme plenare e Parlamentit të Shqipërisë ka këtë Rend të Ditës:
1. Miratimi i procesverbalit të seancës plenare të datës 7.5.2026.
2. Njoftime.
3. Mocion me debat për problematikat e konstatuara nga raporti vjetor i Departamentit të
Shtetit për klimën e investimeve në Shqipëri dhe gjetjet e progresraportit të Komisionit
Evropian. (Në mbështetje të neneve 98 dhe 99 të Rregullores së Kuvendit)
4. Projektrezolutë “Për procesin e anëtarësimit të Republikës së Shqipërisë në Bashkimin
Evropian”.
5. Interpelancë me Kryeministrin e Republikës së Shqipërisë, z. Edi Rama, kërkuar nga
deputeti Tritan Shehu.
6. Interpelancë me Zëvendëskryeministrin e Republikës së Shqipërisë, znj. Albana Koçiu,
kërkuar nga deputetët Agron Shehaj dhe Erald Kapri.
7. Interpelancë me Ministrin e Financave, z. Petrit Malaj, kërkuar nga deputeti Enno
Bozdo.
8. Interpelancë me Ministrin e Shtetit për Pushtetin Vendor, z. Ervin Demo, kërkuar nga
deputeti Erion Braçe.
9. Interpelancë me Ministrin e Punëve të Brendshme, z. Besfort Lamallari, kërkuar nga
deputeti Erion Braçe.
10.Interpelancë me Ministrin e Punëve të Brendshme, z. Besfort Lamallari, kërkuar nga
deputetët Agron Shehaj dhe Erald Kapri.
11.Diskutime për çështje jashtë rendit të ditës.
Çdo deputet mund të flasë jo më shumë se 5 minuta dhe nëse diskuton në emër të grupit parlamentar, jo më shumë se 8 minuta. Koha e diskutimeve për çështje jashtë rendit të ditës nuk mund të jetë më shumë se 60 minuta.
