Sekseri i arrestuar për korrupsion, kandidat i LSI për deputet…

Një prej të arrestuarve për korrupsion në Universitetin e Elbasanit ka qenë kandidat i LSI-së.

Admirim Kala, 31-vjeç, banues në Tiranë, i arrestuar nga policia e Elbasanit në rolin e sekserit ka qenë në garë si kandidat për deputet i LSI në zgjedhjet e vitit 2017.

Sipas policise ai ishte në rolin e sekserit dhe iu premtonte studentëve, të cilët i gjente mik mbas miku, se i kalonte në provime në këmbim të shumave të caktuara.

Ai prezantohej si mik i pedagogëve dhe ka dyshime se një pjesë të eurove i mbante për vete.

Mësohet se gjatë zgjedhjeve parlamentare të kaluara, i arrestuari Kala kandidoi si deputet nën siglën e LSI-së në Gramsh, më pas, ai ka mbajtur edhe detyrën e koordinatorit të LSI-së po në Gramsh.