Serbët duan të vrasin sërish boshnjakë në Srebrenicë, tifozët postuan urdhrin e Mladiçit: Drejt Potoçarit!
Që serbët janë vrasës nuk duhet një ndeshje në mes të Crvena Zvezdës dhe Partizanit për ta dëshmuar këtë deliri i tifozëve të këtyre dy ekipeve, që kontrollohen nga UDB-ja, dhe as vdekja e një krimineli ordiner si Ratko Mladiç, por, mesazhi që këta dhanë në mes të Evropës dëshmon se sa e sëmurë është vetë Evropa kur lejon publikimin e një thirrje për vrasje, drejt Potoçarit, ku ky gjeneral i sëmurë vrau mbi 8.000 civil të paarmatosur pë tre ditë.
BE dhe Kryeministri Edi Rama sot heshtin por jo çdo ditë tjetër kur kërkojnë anëtarësimin e Serbisë në BE, dhe janë vetëm Nënat e Srebrenicës që dënojnë ashpër “rizgjimin e ideologjisë çetnike” pas këtyre mesazheve të tifozëve të Crvena Zvezdës dhe Partizanit, ndërsa Misioni i OSBE-së në Bosnje dhe Hercegovinë ka kritikuar transmetimin drejtpërdrejt të përkujtimit të kriminelit serb Ratko Mladiç nga Beogradi në Radio Televizionin e Republikës Srpska, RTRS.
🫡
— FK Crvena zvezda (@crvenazvezdafk) September 6, 2026
🔴⚪️ #fkcz pic.twitter.com/n0IwG1NDTu
Ndryshe, gjatë përballjes së mbrëmshme midis dy klubeve të futbollit të Beogradit, Crvena Zvezda Partizan, u shfaq në tribuna një fotografi e madhe e kriminelit serb Ratko Mladiç, ndërsa në zë dëgjohej urdhri i tij “Drejt Potoçarit”, të cilin, tifozët ndonëse rival deri në vdekje, e thirrën në një urdhrin të cilin e dha gjenerlai kriminel serb për shkuar aty ku dhe u kry gjenocidi në Srebrenicë në verën e vitit 1995, për të cilin Ratko Mladiç u dënua në Gjykatën e Hagës.
“Sot Potoçari ka rojet e veta”
“Drejt Potoçarit, nuk është brohoritje. Është një mesazh urrejtjeje, një thirrje për gjenocid dhe glorifikim të kriminelit të dënuar të luftës Ratko Mladiç,” tha Shoqata e Nënave të Srebrenicës duke theksuar se i konsiderojnë mesazhe të tilla si pjesë të ideologjisë çetnike dhe i sguruan se nuk do të jenë kurrë më në gjendje të hyjnë në Potoçari, ku ndodhet një kompleks i madh memorial varrezash të viktimave të Srebrenicës.
“Por sot Potoçari ka rojet e veta, Nënat e Srebrenicës. Ideologjia çetnike nuk do të shkelë më kurrë në Potoçari,” garantuan Nënat e Srebrenicës duke i bërë thirrje institucioneve të Bosnjes dhe Hercegovinës si dhe bashkësisë ndërkombëtare të reagojnë dhe të sanksionojnë glorifikimin e kriminelëve të luftës dhe mesazhet që bëjnë thirrje për gjenocid.
TV e Republikës Srpske transmeton përkujtimin për Mladiçin
Ndërkohë që nga mëngjesi i sotëm, Radio Televizion i Republikës Srpska ka transmetuar përkujtimin për kriminelin të luftës Ratko Mladiç nga Beogradi.
Ky veprim u dënua nga misioni i Organizatës për Siguri dhe Bashkëpunim Evropian ndërsa shprehën shqetësim në lidhje me transmetimin e përkujtimit në RTRS, gjatë të cilit folësit vazhdimisht e lavdëruan Mladiçin.
“Shqetësim i veçantë shkaktohet nga fakti se përmbajtja që glorifikon një kriminel lufte të dënuar u transmetua te publiku i gjerë pa një kontekst të përshtatshëm editorial dhe pa iu referuar fakteve të vërtetuara gjyqësisht,” shprehet OSBE.
Në fund, OSBE ftoi Agjencinë Rregullatore të Komunikimeve të BiH-së të vlerësojë nëse RTRS shkeli rregullat e programit.
