Serbia nderime shtetërore kriminelit Mladiç, Edi Rama mbron interesat serbe: Duhet ta kemi në tryezën e BE-së!

Ndonëse Brukseli zyrtar u shpreh kundër varrimit me nderime shtetërore të kriminelit serb të luftës Ratko Mladiç në Beograd, dhe, Komisionerja e Bashkimit Evropian për Zgjerim, Marta Kos, anuloi vizitën e planifikuar në Serbi pas glorifikimit të gjeneralit të Republika Srpska, Mladiç, Kryeministri Edi Rama edhe me këtë rast vendosi të mbrojë interesat serbe dhe vendimin e kriminelit serb që e konsideron vëlla, Aleksandar Vuçiç.

Duke keqpërdor praninë në panelin e Forumit “Intelligence on the World, Europe and Italy”, ndërsa foli për vendimin për ceremoninë mortore me nderime shtetërore të kriminelit Ratko Mladiç, Edi Rama tha se Europa duhet ta përfshijë Serbinë në tryezën e diskutimeve, e arsyetimi ishte si i batonëve dhe buzhalëve, se me lënien jashtë BE-së, Serbia përbën edhe rrezikun që kjo të mbetet në një hapësirë të pasigurt gjeopolitike, mes ndikimeve të fuqive të mëdha.

“Serbia është një lloj kafshe shumë interesante dhe e çuditshme në xhunglën e Ballkanit Perëndimor. Çfarë është më mirë?

Ta kesh në tryezë dhe t’i thuash: S’mund të bësh funeral shtetëror për një kasap’, apo ta lësh aty, në ujëra të pasigurta, dhe të krijojë një situatë skizofrenike mes Europës, Kinës, Amerikës dhe Rusisë? Kjo është qasja ime dhe duhet të ndodhë tani,” tha Edi Rama në vijimësi të politikës së Fatos Nanos e Ilir Metës, si avokatë të denjë të Serbisë për të shtyrë përpara proceset euroatlanetike të Serbisë edhe pse ajo vazhdoi politikën antishqitare edhe pas humbjes së luftës në Kosovë, në vitin 1999.