Sërish tërmet i fortë në Korçë, panik ndër qytetarë…

Qarku i Korçës është tronditur sërish nga tërmeti. Një lëkundje e fortë e cila ka pasuar një tjetër për vetëm 7 minuta, ka shkaktuar panik ndë qytetarë.

Sipas Institutit të Gjeoshkencës, tërmeti është regjistruar në orën 16:21 me magnitudë 4.5 të shkallës Rihter me epiqendër 10 km në juglindje të Korçës.

Për momentin nuk dihet ende nëse ka pasur persona të lënduar apo dëme materiale.

Ndërkohë Qendra Mesdhetare Sizmiologjike, EMSC, ka raportuar për një tërmet prej 4.4 të shkallës Rihter, 9 km afër Korçës dhe 112 km nga Tirana.

Ndërsa vetëm 7 minuta para këtij tërmeti Qendra Mesdhetare Sizmiologjike, EMSC, regjistroi dhe një tërmet tjetër në Qarkun e Korçës, 4 km afër Bilishtit me forcë 3.4 të shkallës Rihter.

Ndryshe, duke filluar nga 1 qershori, Qarku i Korçës u godit nga dhjetëra tërmete të njëpasnjëshme, që shkaktuan dhe dëme të konsiderueshëm materiale, ku dhe sot qindëra persona kanë mbetur pa kulm mbi kokë.