SHBA jep lajmin e mirë, Yuri Kim: Nga 1 Prilli, viza biznesi dhe ajo turistike për 10 vjet

Në morinë e lajmeve të mira për shqiptarët nga Shtetet e Bashkuara në 100 vjetorin e marrëdhënieve SHBA-Shqipëri, sot Ambasadorja e SHBA në Tiranë, Yuri Kim, bënë të ditur se duke filluar nga 1 Prilli vlefshmëria e vizës së biznesit ose asaj turistike për shtetasit shqiptarë zgjatet nga 3 në 10 vjet.

“Ndërsa festojmë 100 vjet marrëdhënie midis Shteteve të Bashkuara dhe Shqipërisë, Ambasadorja Yuri Kim ndan një lajm shumë të rëndësishëm, që do ta bëjë më të lehtë për shqiptarët të cilët duan të vizitojnë miqtë dhe familjen në Shtetet e Bashkuara. Shihni videon për të mësuar më shumë rreth këtij lajmi fantastik,” thekson Ambasada e SHBA në Tiranë duke dhënë lajmin e shoqëruar me një videomesazh të Ambasadores Yuri Kim në rrjetin social Facebook ndërsa sqaron se ky vendim i SHBA për të zgjatur vlefshmërinë e vizës në dhjetë vjet pasqyron faktin që shqiptarët gjithnjë e më shumë po ndjekin rregullat kur vizitojnë Shtetet e Bashkuara.

Në fund, Ambasadorja e SHBA në Tiranë, Yuri Kim, duke shprehur mikëpritjen me kënaqësi të shqiptarëve në Shtetet e Bashkuara përfundon:

“Dhe, presim me kënaqësi edhe 100 vite të tjera si miq. Falemnderit!