Sherr për kreun e Omonias/ Dekriminalizimi i ndalon kandidimin në Himarë, reagon Athina zyrtare…
Komisioni Qendror i Zgjedhjeve i ka ndaluar kandidimin kreut të Omonias, Fredi Beleri, në zgjedhjet e 30 qershorit si kandidat i pavarur në Bashkinë e Himarës.
Arsyeja është shkelja e ligjit të dekriminalizimit, pasi Beleri figuron i dënuar më parë në Greqia dhe Shqipëri por kjo nuk i pengon Athinës zyrtare të reagon si zakonisht në mënyrë të paskrupullt:
“Vendimi i Komisionit Qendror të Zgjedhjeve, i cila përbëhet nga anëtarë të partive shqiptare, për të mos pranuar kandidaturën e Kryetarit të Omonias Himarë, z. Fredi Beleri, për postin e Kryetarit të Bashkisë në zgjedhjet e ardhshme lokale shkakton shqetësim të veçantë. Me aq sa janë bërë të ditura deri tani, ky vendim nuk ka bazë ligjore. Po ndjekim zhvillimet dhe jemi të gatshëm të ndihmojmë përfaqësuesit e minoritetit,” thekson në reagimin e saj Ministria e Punëve të Jashtme e Greqisë.
Ndryshe, KQZ i ka refuzuar kandidimin Fredi Belerit sepse është dënuar në vitin 1999 nga Gjykata e Athinës me 18 muaj burg për armëmbajtje pa leje. Nga ky dënim, ai nuk ka kryer burg. Ndërsa në vitin 2006, Gjykata e Vlorës e ka dënuar me 3 vjet burg për thirrje urrejtjeje nacionaliste. Edhe për këtë vendim nuk ka kryer burg.
Dhe, Athina zyrtare vazhdon dhe mbronë kriminel ashtu si edhe Tirana zyrtare që arreston protestuesit se thonë “Rama ik”, dhe nuk i vënë prangat njeriut të dënuar me 3 vite burg; Vendim të cilin e konfirmoi edhe Gjykata e Strasburgut në vitin 2016 duke mos vërejtur asnjë shkelje gjatë proceseve të hetimit e gjykimit.
Absurditetet shqiptare krijojnë edhe situata të tilla ligjore edhe pse Kryeministri mburret me Reformën në Drejtësi, ku sot Fredi Belerit nuk i lejohet të kandidoj sepse është i dënuar me 3 vite burg sepse në tetor të vitit 2003 u bë një prej protagonistëve të përplasjeve të dhunshme ne qendrën e votimit, në Himarë, ku pas dhunimit të simboleve kombëtare dhe thirrjeve anti-shqiptare, Beleri së bashku me katër persona të tjerë u dënua në mungesë me 3 vite burg, dhe gëzon lirinë sepse Edi Rama ka frikë nga Athina. Ndërkohë ministri i Brendshëm, Ish-Gjeneral Sandër LLeshaj kërcënon të gjithë ata që nuk deklarohen si grekë dhe janë shqiptarë që do të pësojnë nëse pengojnë procesin zgjedhor.
