SHISH me drejtuese të re! Kush është Esmeralda Hasani?!
Esmeralda Hasani është propozuar nga Kryeministri Edi Rama dhe sot u dekretua nga Presidenti i tij Bajram Begaj në krye të Shërbimit Informativ të Shtetit, SHISH, duke zëvendësuar Vlora Hysenin, e cila u largua nga detyra pas hetimeve të SPAK-ut.
Por kush është drejtuesja e re e institucionit më të rëndësishëm të inteligjencës në vend?
Hasani ka një profil profesional të lidhur kryesisht me drejtësinë, akademinë, administratën publike dhe menaxhimin e projekteve europiane.
Ajo ka studiuar të drejtën ndërkombëtare në Universitetin e Milanos dhe ka ndjekur studime pasuniversitare në fushën e planifikimit dhe menaxhimit të projekteve europiane në Bruksel. Profili i saj akademik përfshin gjithashtu studime doktorale, ndërsa është angazhuar si pedagoge e së drejtës europiane.
Në aspektin profesional, Hasani ka mbajtur disa pozicione në institucione dhe organizata të ndryshme. Gjatë periudhës 2015-2019 ka drejtuar Institutin për Kërkim dhe Zhvillim Barleti, ndërsa në vitet 2017-2018 ka ushtruar detyrën e këshilltares dhe shefes së kabinetit pranë Ministrit të Shtetit për Diasporën.
Në vitin 2018 është përfshirë gjithashtu në strukturat drejtuese të Agjencisë Kombëtare të Diasporës, si përfaqësuese e ministrit.
Ajo është prezantuar edhe si Këshilltare e lartë pranë Kryeministrisë, me angazhime në planifikimin e projekteve dhe sigurimin e financimeve.
Hasani rezulton bashkautore e një studimi të publikuar në vitin 2023, që trajton kuadrin ligjor dhe institucional të Shqipërisë kundër ekstremizmit të dhunshëm në hapësirën kibernetike.
Ndërsa në Shërbimit Informativ të Shtetit nën drejtimit e Vlora Hysenit, Esmeralda Hasani ishte e shefe e Departamentit Mbështetës .
