Shkoi të grabiste bankën, përleshja me rojen e sigurisë…

Pasditen e sotme një bankë e nivelit të dytë është tentuar të grabitet nga një person i armatosur.

Personi me iniciale O. M me pistoletë në dorë ka shkuar në hyrje të bankës, por pasi e ka gjetur derën të mbyllur filloi të qëllojë me armë.

Në momentin e ngjarjes banka nuk po kryente asnjë funksion pasi ishte mbyllur në orën 16:00, ndërsa në 16:30 kur autori tentoi që të futet për ta grabitur brenda ishin punonjësit duke mbyllur bilancet e ditës.

Autori i cili paraprakisht dyshohet të jetë nga Berati u përlesh me rojen e sigurisë dhe pasi hasi në rezistencën e këtij të fundit qëlloi me armë drejt derës.

Për fat të mirë askush nuk mbeti i plagosur nga kjo ngjarje, ndërsa forcat e policisë e kapën autorin në tentativë e sipër për tu larguar me vrap.

Njoftimi i policisë

Ndërhyrja në kohë e policisë parandalon një ngjarje të rëndë kriminale.

Tentoi të vidhte një bankë të nivelit të dytë në qytet, policia ndjek dhe kap autorin.

Sekuestrohet arma e krimit, maska, kapuçi, 8 gëzhoja si edhe prova të tjera balistike.

Në datën 22.05.2018, rreth orës 16:00, në afërsi të Poliklinikës së qytetit Lushnje, është tentuar të vidhet një bankë të nivelit të dytë.

Autori ka hyr në bankë i maskuar dhe me armë dhe ka qëlluar me armë.

Nga të shtënat nuk ka asnjë person të lënduar.

Shërbimet e Policisë me të marrë njoftim kanë reaguar në kohë reale ku falë veprimeve të shpejta të punonjësve të Patrullës së Përgjithshme u bë e mundur kapja gjatë ndjekjes dhe arrestimi në flagrancë i autorit i cili tentoi të largohej në brendësi të lagjeve, rreth 1 km nga vendi i ngjarjes.

U arrestua në flagrancë shtetasi O.M, 25 vjeç, nga Berati.

Grupi hetimor sekuestroi në cilësinë e provës materiale armën me të cilën u tentua të vidhet banka, maska dhe 1 kapuç.

Gjithashtu në vendngjarje u sekutruan 8 gëzhoja pistolete TT të cilat dyshohen se janë qitur nga pistoleta e autorit.

Grupi hetimor po punon për dokumentimin e plotë të ngjarjes.