Shpërthim në Bashkinë Lushnjë, plagoset Kryetari dhe Sekretarja. Autor…

Shpërthim i fuqishëm në Bashkinë Lushnjë! Ngjarja e rëndë ndodhi në orën 08:00 në momentin kur Kryetari i Bashkisë Lushnjë, Fatos Tushe ka hyrë në zyrë ku nga shpërthimi përveç Tushes është plagosur edhe sekretarja e kryetarit, Erisa Qalliu.

Mësohet se pak pasi kryetari i Bashkisë ishte futur në zyrë, aty ka hyrë dhe ish-shoferi i tij Gëzim Saraçi dhe ka lëshuar brenda një mjet shpërthyes. Burime policore thanë se Saraçi është shpallur në kërkim.

Nuk dihet se cili ka qenë mekanizmi i shpërthimit, por nga të dhënat paraprakë mësohet se shpërthimi ka ndodhur në zyrë. Ndërkohë, policia ka ngritur postblloqe në të gjithë hyrjet dhe daljet e qytetit.

Pas ngjarjes së rëndë, drejt Lushnjës është nisur me urgjencë dhe drejtori i Policisë së Shtetit, Ardi Veliu.