Shpërthim te karburanti “Eida” në Brryl, një godinë u shemb dhe 3 punonjës u plagosën

Shpërthimi i fuqishëm mëngjesin e së mërkurës në pikën e karburantit “Eida”: në zonën e  Brrylit në Tiranë ka shkaktuar dëme të konsiderueshme ndërkohë kanë mbetur tre persona të plagosur që janë jashtë rrezikut për jetën.

Mësohet se shpërthimi ka ardhur si pasojë e një bombole gazi në ambientet e karburantit, ku furnizohen automjetet me gaz. Në momentin e ngjarjes, ndodhej një automjet që po furnizohej me gaz. Për pasojë, një godinë një katëshe aty pranë u shemb, ndërsa tre punonjës të karburantit u plagosën.

Tre punonjësit e plagosur janë transportuar në spital, ku po marrin ndihmë mjekësore.

Njoftimi i policisë:

Tek “Brryli”, në një karburant, dyshohet se ka shpërthyer një bombul gazi, gjatë kohës që po furnizohej me karburant një automjet.

Si pasojë, janë dëmtuar 3 persona, punonjës të karburantit, të cilët janë dërguar në spital për mjekim, jashtë rrezikut për jetën.