Shqipëri-Greqi, përfundon raundi i tretë i bisedimeve/Kufiri detar, frymë konstruktive…
Raundi i tretë i bisedimeve, Shqipëri –Greqi, bisedime që u mbajtën në Athinë, ka përfunduar, ndërsa Ministria e Jashtme shqiptare shprehet se ka pasur një frymë konstruktive.
“U mbyll dje më 22 qershor 2018, në Athinë raundi i tretë i bisedimeve për delimitimin e zonave detare midis Shqipërisë dhe Greqisë. Takimi ishte konstruktiv dhe u zhvillua në një klimë pozitive, miqësore dhe bashkëpunuese.
Grupet negociatore do të vazhdojnë të punojnë për të gjetur një zgjidhje të qëndrueshme dhe në interes të të dyja palëve”, thuhet në një njoftim zyrtar.
