Shqipëria kryeson KS OKB, Ambasadorja e SHBA: Ka ende shumë punë përpara!

Duke uruar Shqipërinë për marrjen e kryesimit të Këshillit të Sigurimit të Kombeve të Bashkuara për muajin qershor, Ambasadorja e SHBA në OKB, Linda Thomas-Greenfield gjatë një takimi me Kryeministrin Edi Rama në New York është shprehur se ka ende shumë punë përpara nesh.

“Ambasadorja e Shteteve të Bashkuara në OKB Linda Thomas-Greenfield uroi Shqipërinë për marrjen e Presidencës së Këshillit të Sigurimit të Kombeve të Bashkuara në qershor, gjatë një takimi me Kryeministrin Edi Rama dhe Ministren e Jashtme Olta Xhacka në New York,” bënë të ditur Ambasada e SHBA në Tiranë duke cituar Ambasadoren Thomas-Greenfield:

“Ka ende shumë punë përpara nesh dhe mirëpres që t’ia kaloj stafetën e OKB-së Shqipërisë, teksa ajo merr Presidencën e Këshillit të Sigurimit të Kombeve të Bashkuara për muajin qershor.”