Shtohen 5 raste me koronavirus, por vjen një lajm i mirë nga Kroacia: Shërohet…
Gjatë 24 orëve të fundit janë shënuar edhe 5 raste me koronavirus duke çuar në 37 numrin e të prekurve në Kroaci. Por sot në raportimin e radhës Shtabi Kombëtar i Mbrojtjes Civile dha edhe një lajm shpresdhënës:
Është shëruar rasti i parë i prekur nga koronavirusi!
Shtabi Kombëtar i Kroacisë sqaroi sot se 5 rastet e reja, dy ishin të identifikuar si familjar të atyre që kanë importuar koronavirusin, njëri kishte ardhur nga Amerika pas vizitës nëpër disa vende evropiane dhe dy kishin ardhur nga Spanja.
Ndërkohë Drejtori i HZJZ, Krunoslav Capak, pasi konfirmoi 37 të prekurit në Kroaci nga koronavirusi, tha se kemi dy të shëruar, njëri prej t ëcilëve ishte iste i prekur i parë me koronavirus në këtë vend.
“Brenda 48 orëve testi ka dalë negativ dhe ai sot do të shkoj në shtëpi, pra, kemi dy persona plotësisht të shëruar,” e konfirmoi Capak. Duke saktësuar se deri më sot janë testuar 616 të dyshuar ndërsa po testohen edhe 24. Ndryshe, nën mbikqyrje mjekësore janë 6.300 persona nga zonat e prekura me koronavirus ndërsa në Kroaci janë vendosur në karantinë 47 persona.
Ndryshe, deri në orët e mesditës në botë janë evidentuar 143.000 raste të prekura me koronavirus, 5.400 prej të cilëve kanë vdekur, kryesisht në Kinë. Dje, Italia kaloi ditën e saj më të keqe ku vetëm brenda 24 orëve kanë vdekur 250 persona. Në anën tjetër të botës, në Kinë, epidemia është në rënie. Sot raportohet se brenda 24 orëve janë shënuar vetëm 11 raste të reja.
