Shuhet ëndrra e Edi Ramës, Stoltenberg ngelet shef i NATO-s?
Pavarësisht se Kryeministri Edi Rama për karrierën e tij ia futi edhe Kosovës në konfliktin me Serbinë, vetëm e vetëm për të lënë përshtypje të mira si lider global tek ndërkombëtarët ndërsa Fuga u kujdes për të shpërndarë lajmin ekskluziv për media se shefi i tij do jetë Sekretari i ardhshëm i NATO-s, sot ëndrrat e Ramës dhe Fugës u shuan fare!
Jo vetëm pse Agjencia e lajmeve Reuters raporton se Presidenti amerikan Joe Biden mendon që Sekretari i Përgjithshëm i NATO-s, Jens Stoltenberg, duhet të qëndroj edhe një vit, por në planet e tij mbi Sekretarin e ardhshëm janë dy persona, dhe, asnjëri prej tyre nuk quhet Edi Rama!
Meqë Aleanca Veriatlantike nuk po arrinë dakordësinë për pasardhësin e Jens Stoltenberg në prag të Samitit që pritet të mbahet në Lituani, Agjencia e lajmeve Reuters raporton se ai do të lutet që të qëndroj në krye të NATO-s edhe për një vit.
Stoltenberg, i cili në këtë post është që nëntë vite dhe nga fundi i muajit shtator duhet të largohet, ka mbështetjen e gjërë në Aleancë, është shprehur një burim anonim për Reuters.
“Administrata Biden po mendon që Stoltenberg të qëndroj edhe një vit,” tha një zyrtar amerikan i cili gjithashtu kërkoi të ngelet anonim, duke shtuar.
“Për momentin nuk ka konsensus brenda Aleancës për ndërrimin e tij.”
Mundësia që ti kërkohet Stoltenbergut zgjatja e mandatit për herë të katërt është gjithnjë më e madhe, sa ma shumë që po afrohet samiti në Vilnius, ndërsa aleatët kanë frikë për shfaqjen e mungesës së unitetit derisa NATO vazhdon ti përgjigjet luftës ruse në Ukrainë.
Javën e kaluar, ministri britanik i Mbrojtjes, Ben Wallace, deklaroi se do ta dëshironte këtë post ndërsa pas vizitës së Kryeministres së Danimarkës, Mette Frederiksen, në Shtëpinë e Bardhë për bisedime me Presidentin Joe Biden, janë dhe disa qeveri që po angazhohen për sekretaren e parë femër të NATO-s, dhe ajo aktualisht është një kandidate serioze për Sekretaren e Përgjithshme të Aleancës Veriatlantike.
