Shuhet Mbretëresha Elizabeth II

Shuhet Mbretëresha e Britanisë Elizabeth II, njoftoi Pallati mbretëror.

Familja mbretërore është mbledhur, derisa pallati mbretëror Buckingham tha më herët se Mbretëresha ishte nën mbikëqyrjen mjekësore, pasi mjekët janë të shqetësuar për shëndetin e Madhërisë së saj.

Njoftimi nga pallati erdhi një ditë pasi mbretëresha anuloi një takim virtual, raporton RFE, meqë mjekët e këshilluan të pushonte, për shkak të një të marteje të ngarkuar, kur Elizabeth II emëroi Liz Truss kryeministre të Britanisë.

Monarkja më jetëgjatë e Britanisë ka vuajtur nga probleme shëndetësore që nga tetori i vitit të kaluar, të cilat kanë bërë që ajo të ketë vështirësi për të ecur dhe qëndruar në këmbë.

Të gjithë fëmijët e saj, trashëgimtari i fronit, Princi Charles, 73 vjeç, Princesha Anne, 72 vjeç, Princi Andrew, 62 vjeç dhe Princi Eduard, 58 vjeç, janë aty ose janë rrugës për të shkuar te Mbretëresha, e cila aktualisht është në Pallatin Balmoral në Skoci, thanë ndihmësit.

Gjithashtu, duke shkuar në Balmoral janë edhe djali i madh i Charles, Princi William, së bashku me djalin e tij të vogël, Princin Harry, dhe gruan e tij, Meghan, të cilët braktisën jetën mbretërore për t’u transferuar në Shtetet e Bashkuara.

Mbretëresha jeton në Pallatin Buckingham në Londër. Por, monarkja 96-vjeçare, e cila ka muaj që është përballur me probleme shëndetësore, po qëndron në pallatin në Skoci, ku zakonisht kalon pushimet e verës.

Kryeministrja e Britanisë, Lizz Truss tha se i gjithë vendi duhet të jetë thellësisht i shqetësuar nga lajmet nga Pallati Buckingham këtë drekë.

“Mendimet e mija dhe mendimet e njerëzve në mbarë Britaninë janë në këtë kohë me Mbretëreshën dhe familjen e saj,” shkroi ajo në Twitter.

Mbretëresha Elizabeth II, raporton RFE i ka deleguar gjithnjë e më shumë detyrat tek princi Charles dhe anëtarët e tjerë të familjes mbretërore në muajt e fundit. Ajo u shërua nga infektimi me koronavirus në shkurt të këtij viti.