Si u realizua audio-përgjimi me Agron Xhafajn? Çani tregon detajet: Ja ku e takoi dëshmitari …
Gazetari Artur Çani ka deklaruar se dëshmitari Albert Veliu bënte pjesë në grupin e Agron Xhafës i cili sipas asaj që thuhet në Vlorë pasi ra grupi i Habilajve, grupi i vëllait të ministrit i ‘zuri’ vendin.
Çani tha se Albert Veliu është një trafikant droge por këtë e ka bërë për hakmarrje ndaj grupit të tij pasi ndien që është braktisur nga ata.
Artur Çani në studion e Faxnews shpjegoi se në fillim Veliu nuk është marrë nga konsideratë por më pas u pa nga gazetari që vërtetë ky kishte lidhje me grupin nga mënyra se si pritej dhe me kë qëndronte në Vlorë.
Atëherë gazetari kishte vendosur që ti jepte një përgjues në trup kur kishte shkuar të takonte Agron Xhafajn. Çani deklaroi se dëshmitari Albert Veliu e ka takuar në një lokal në Vlorë Agron Xhafajn dhe ka patur një bisedë 5-6 minuta me të.
“Nga të dhënat që ky thotë, ky është pjesëtar i këtij grupi, i kësaj historie. Ky person ka folur disa herë me vëllain e ministrit Xhafaj, ky ka pasur një përgjues në trup dhe ka vajtur në atë bisedë.Në fillim nuk iu besua por më vonë u pa më vonë që fliste me të. Atëherë gazetari e verifikoi dhe i vendosi një përgjues.
Unë nuk dua të jem akuzues por ky person ka hyrë në godinën ku ishte Agron Xhafaj në një lokal në Vlorë dhe ka qëndruar 5-6 minuta, ndërsa inçizimi është 1 minutë e pak, mendoj se ka gjëra tjera që do dalin, ky është një person që ka jetuar në ato ambient me ta”, tha Çani, i cili shtoi se ai ka biseduar me personin që realizuar intervistën me Albert Veliun dhe se arsyeja se pse ai po e bën këtë është: Hakmarrja ndaj grupit.
