“Situata e krijuar me COVID-19″/ Video, Rama: Ja realiteti i sistemit shëndetësor…
Pas akuzave të përsëritura të opozitës dhe liderit të saj Lulzim Basha për situatën e krijuar me COVID-19, ku shqiptarët kërkojnë më shumë teste dhe zgjidhje, Kryeministri Edi Rama mëngjesin e sotëm ka publikuar pamje nga spitali Covid-3, duke theksuar se ky është realiteti i sistemit të mbrojtjes shëndetësore.
“Mirëmëngjes dhe me Pjesën e Dytë të Ekskluzives nga vija e zjarrit, brenda spitalit Covid 3 këtë herë, ku mund të shihni realitetin e sistemit të mbrojtjes shëndetësore,” thekson Edi Rama në reagimin e tij përmes rrjetit social Facebook duke e shoqëruar me një video ndërsa vazhdon të jetë i bindur:
“Fatmirësisht është krejt ndryshe nga çfarë ju rrokanisin përditë lehaqeniet pa din e pa iman, ju uroj një ditë të mbarë.”
Ndërkohë që Kryeministri vazhdon të publikoj pamje nga ERTV, mediat tjera vazhdojnë të jenë në pritje të një leje që të filmojnë nga ajo që Edi Rama i quan “vija e zjarrit” dhe deri më sot opinionit publik mund ti servirin vetëm në mënyrë virtuale.
