Skandal, Itali: Mjekëve u injektohet uji fiziologjik në vend të vaksinës Anticovid!

Që nga dita e parë e fillimit të procesit të vaksinimit kundër COVID-19 e kudo në botë është konsideruar legjendë urbane, por sot në Spitalin Rovereto të Italisë rezulton të jetë realitet. Mediat italiane raportojnë se  punonjësve shëndetësor u është injektuar ujë fiziologjik – serum, në vend të vaksinës Pfizer kundër COVID-19 .

Në këtë gjarje skandaloze mund të jenë përfshirë 5 ose 6 persona, raporton Tgcom, dhe duke iu referuar L’Adige thekson se nuk dihet konkretisht se sa mjekë dhe infermierë kanë marrë dozën e parë të vaksinës dhe kujt i është injektuar uji fiziologjik. Për ti dhënë një përgjigje kësaj situate, të gjithë punonjësit shëndetësor do të duhet të bëjnë testin serologjik.

Të gjithë personat që janë vaksinuar atë ditë kanë marrë një telefonatë për të bërë testin e antitrupave. Në këtë mënyrë, do të kuptojnë se cfarë ka ndodhur me vaksinën.

Mediat lokale janë përpjekur që të kontaktojnë me kompaninë e shëndetësisë për të mësuar se çfarë ka ndodhur, por nuk kanë asnjë informacion. Sipas Il Dolomiti, ngjarja ka ndodhur më 15 Janar, po mbetet e paqartë nëse është përsëritur ditë të tjera.

Nuk dihet nëse autoritetet kanë filluar hetimet e këtij sknadali bazuar në raportimet e mediave, sidoqoftë ngatërrimi i dozave të vaksinës kundër COVID-19 me ujin fiziologjik ka ndodhur!