“Skandali McGonigal”, SPAK hesht – Edi Rama i tmerruar: S’ka Komision Parlamentar për hetim

Shqiptarët edhe sonte pas publikimit të aktakuzës së ish-zyrtarit të FBI-së Cherles McGonigal, ku implikohet direkt Kryeministri i Shqipërisë, të cilin muaj më parë e kishte deklaruar si mik, e panë Edi Ramën duke përgënjeshtruar veten se më nuk e kishte mik kur atij i është shpallur akuza në SHBA, e ku ndër të tjera thuhet se ai e kishte takuar disa herë Ramën e “këshilltari i tij” Agron Neza i kishte dhënë 225 mijë dollarë.

Por, ky është Edi Rama dhe nuk e ka për gjë të thotë se ka zero akuzë dhe zero lidhje mes çështjes së ish-agjentit të FBI Charles McGonigal që diskutohet dhe tij apo Republikës së Shqipërisë. Pranoi takimet me zyrtarin e FBI, por tha se nuk përbën asnjë arsye për të nxjerrë konkluzione të reja; Ndërkohë nxorri konkluzione për 21 janarin dhe hapjen e hetimeve nga Prokuroria e Posaçme edhe pse përgjimi për të cilin u ngrit akuza, zyrtarisht nuk e ka pa dhe as nuk e dëgjoi njeri, madje as SPAK e Prokuroria, të cilët xhaxhai i të ndjerit Aleks Nika i ka kushtëzuar për dorëzimin e kësaj prove. Ose, këtë e ka parë Edi Rama dhe opinioni publik nuk ka informacion ashtu siç ka për aktakuzën e publikuar të McGonigal, për të cilën Rama ende nuk ka urdhëruar SPAK-un që të veproj.

“Besoj që njerëzit normalisht duhet të jenë mësuar se këtu opinion ndahet në një pjesë që beson medoemos atë që do të besojë dhe një pjesë që dëgjon dhe reflekton mbi faktet. Kjo është një çështje jo çështje, është e hetuar nga drejtësia amerikane, e cila nuk nxjerr vendime për vrasje pa autorë apo për vrasje nga pakujdesia kur ato bëhen nga dritaret e institucioneve shtetërore dhe nuk ia përton kujt. Në këtë rast ka zero akuzë dhe zero lidhje mes asaj që diskutohet dhe meje dhe Republikës së Shqipërisë.

Këto janë derivate të keqleximit të këtushëm, përmendja e emrit si pjesë e një takimi nuk ka asnjë lidhje me përfundimet që ka nxjerrë hetimi në SHBA. Takova një zyrtar të lartë, po, e takova, disa herë. Kjo nuk përbën asnjë arsye për të nxjerrë konkluzione të reja duke parë nga Tirana me dylbitë e politikës së çorollepsjes së njerëzve aq më pak kush jemi para një prove të re në lidhje me 21 janarin dhe kërkesën për hapjen e hetimit të SPAK. Kush e kupton e kupton, unë nuk kam pse komentoj asgjë. Unë dhe qeveria e Shqipërisë nuk ka asnjë lidhje me përfundimin e hetimit për një çështje dytësore të dalë rrugës, ndërkohë që kryesorja është krejt tjetër.”

Prezencën e Sigurimit të Shtetit përmes agjentit Agron Neza në këtë skandal, Edi Rama u mundua ta sfumoj me prejardhjen e tij nga Tropoja, lidhjen që ka me Partinë Demokratike, Azem Hajdarin dhe Besnik Mustafajn, por, nuk foli dhe për thelbin e prejardhjes së tij, i biri i kriminelit komunsit Bajram Neza.

“Përfundimet e hetimit dhe fillimi i fazës tjetër të procesit ku hetuesit amerikanë kanë dorëzuar dosjen e hetimit të tyre nuk ka asgjë nga këto që thonë mediat dhe se raporti i tij me Agron Nezën, i përmendur në dosje si “Personi A” ka qenë miqësor dhe krejtësisht pa asnjë interes.

Absolutisht asnjë konkluzion. Përmendjet lexojini mirë sepse aty nuk përmendet absolutisht një gjë e tillë, aty thuhet se çfarë thotë njeri dhe çfarë thotë tjetri. Ndërkohë që vetë hetuesit thonë një gjë tjetër, që hetimet kanë përfunduar, ka një të akuzuar për mosdeklarim dhe konflikt interesi në raport me mikun e tij shqiptaro-amerikan nga Tropoja, të cilin unë e kam takuar në takimin me të dhe me të cilin nuk kam pasur asnjë lloj lidhje tjetër përveç këtij raporti miqësor dhe këtyre shkëmbimeve krejtësisht pa asnjë interes tjetër me zyrtarin e lartë të FBI-së,” tha Edi Rama ndërsa në këmbënguljen e gazetarëve nëse ka punuar me Agron Nezën dhe Dorian Duçkën shtoi:

“Fola për zotin Agron, i cili e përsëris vjen nga Lëvizja Demokratike, shumë i afërt i të ndjerit Azem Hajdari, fis me Besnik Mustafajn, njerëz të nderuar pa diskutim, të cilin nuk e kam njohur më parë asnjëherë dhe me të cilin nuk kam shkëmbyer as letra, as interesa dhe asgjë tjetër, por e kam takuar vetëm në praninë e zyrtarit të lartë të FBI-së.

Për sa i përket personit tjetër ka qenë zv.ministër i Energjetikës në koalicionin e vitit 2013 dhe pastaj për një farë kohe ka punuar pranë meje pa pagesë.”

Meqë sot ish-zyrtari i lartë të FBI, Charles McGonigal, është nën dy akuza në SHBA, si zakonisht që ndodhë me Edi Ramën ai nuk e ka më mik por sqaroi se e kishte fjalën për një “friendly relationship” ndërsa fiku shpresat e opozitës për ngritjen e një Komisioni Hetimor Parlamentar për lidhjet e kryeministrit Rama dhe qeverisë me këtë çështje.

“Kjo çështje është hetuar nga drejtësia amerikane dhe kanë dalë konkluzione. Nëse mendoni se kjo mund të kontestohet nga vetëgjyqësia e Foltores apo vulës, nuk kam asnjë koment. Njerëzit zgjedhin të besojnë psh që edhe një oligark i madh rus ka ardhur në Karavasta për të përfituar nga shegët e luleshtrydhet,” tha Edi Rama duke shpërfillur dhe këshillën e ish-kolegut të tij Spartak Braho që të jap dorëheqje.