Skandali/ Prodhuan 11 milionë veshje Anticovid në Shqipëri dhe i dërguan në Itali. Sekuestrohen 43 mln euro

Italia është përfshirë nga një skandal i madh. Prokuroruia e shtetit fqinj ka zbuluar një rast abuzimi dhe mashtrimi me kostumet që përdoren kundër COVID-19, tender që ishte bërë në Itali, por që veshjet prodhoheshin në Shqipëri. Më pas veshjet dërgoheshin në Itali.

‘Il messaggero.it’ shkruan se prokuroria urdhëroi sekuestrimin e 43 milionë eurove, ndërsa në pranga kanë rënë 2 persona, ndërkohë 2 gra po hetohen, pasi akuzohen si të përfshira në këtë histori mashtrimi. Kjo media shkruan se italianët operonin në vendin tonë duke prodhuar 11 milionë veshje njëpërdorimshe Anticovid, pa asnjë kriter të përcaktuar nga mjekët dhe ekspertët vendas.

“Kriminelët, banditët”. Kështu u përcaktuan vëllezërit Samuele dhe Massimiliano Piçolo, të cilët përfunduan në burg me akuzën e mashtrimit, përvetësimit dhe mashtrimit në furnizimet publike.

Sipas gjyqtarit hetues të Gjykatës së Pratos, i cili urdhëroi arrestimin e tij dhe të vëllait të tij Massimiliano, të cilët janë “pronarët aktualë” të Konsorciumit Gap, me qendër në Romë. Po ashtu, drejtoresha Cristiana Ferraçioli (ish-shtëpiake nga Ladispoli) është nën hetim.

Deri më 23 shkurt 2021, aksionerja e vetme e Gap ishte Laura Tamburelli, gruaja e Samuele Piçolo. Ky konsorcium – ndaj të cilit u urdhërua sekuestrimi për 43.2 milionë euro – u dha në nëntor 2020 nga Komisioni i Jashtëzakonshëm për Emergjencën COVID-19, kontrata për furnizimin e 11 milionë kostumeve mbrojtëse të disponueshme.

Kostumet e prodhuara në Shqipëri
Sipas hetimeve të bëra nga Prokuroria Publike, mbi bazën e hetimeve të skuadrës mobile ‘Prato’, “ata nënkontraktuan, pa autorizimin e autoritetit kontraktor, paketimin e kostumeve laboratorike të ndryshëm me ato kinezë. Sektori, pra, organizimi i punës, karakterizohej më së shumti nga shkelje sistematike e rregullave të sigurisë dhe higjienës, nga përdorimi i punëtorëve jashtëkontraktorë, pa leje të rregullt qëndrimi në territorin italian”.

Për më tepër, “kostumet mbrojtëse i bënin me pëlhura të tjera nga ato të certifikuara” dhe, megjithëse Konsorciumi Gap ishte i lidhur kontraktualisht me ‘Made in Italy’, ato i kishin prodhuar në Shqipëri. Përpara importimit të tyre në Itali, “u qepën mëngët dhe u hoqën etiketat”, për të fshehur shkeljen e kontratës. Sipas të dhënave, rreth 2 milionë kostume përfunduan në ‘ASL Roma 2’, me çmimin 6 deri në 10 euro secila.

Të dyshuarit

Një pjesë e mirë prej 32 personave të hetuar ishin “të vetëdijshëm se duhej të lidheshin me Piçolo-n si menaxherë të vërtetë ‘de facto’, të cilët morën të gjitha vendimet e menaxhmentit të lartë në lidhje me organizimin dhe ekzekutimin e aktivitetit të punës së Konsorciumit”.

Duke folur për Massimiliano, ata thanë: “Ai nuk duket askund, por është pronari, ai është shefi”. Menaxheri i përgjithshëm dhe menaxheri i prodhimit të Gap komentuan “rreziqet personale që me të cilat ata po përballeshin për të zbatuar urdhrat nga lart-poshtë të vëllezërve Piçolo. Nuk mundesh të bësh asgjë, kontraktualisht je i detyruar të përgjigjesh për rregullsinë e kontributeve dhe pagave të atyre që punojnë. Unë e di vetëm se jemi ulur në një tenxhere me presion dhe së shpejti del i gjithë avulli dhe ne djegim C-në… ose nëse e lëmë këtë histori pa kocka të thyera, do të jetë një mrekulli!”.

Arrestimet

Nga e-mailet e sekuestruara nga Policia doli se të gjitha komunikimet më të rëndësishme (si p.sh. oferta dërguar Invitalia për dhënien e kontratës) ishin përcjellë në llogaritë personale të vëllezërve. “U takon të dyshuarve Piçolo – thuhet në urdhrin e arrestimit – që menaxhmenti i paskrupullt që ka karakterizuar të gjitha vendimet e marra nga Gap për të marrë të ardhura milionëshe në kurriz të cilësisë së produkteve të bëra duhet të iu ngarkohet atyre. Samuele Piçolo, përveçse është tërhequr – shpjegon gjyqtari hetues Leonardo Chesi – nga një masë parandaluese në të kaluarën në lidhje me krimet që kishin të bënin me menaxhimin e kompanive që i atribuohen atij, është subjekti që shfaqet më pak se vëllai i tij, pasi ai gjithnjë iu ruhej kamerave që të mos filmohej”, thuhet në artikull./BW/