Skandalizon Ruçi/ Në diktaturë nuk kishte drogë dhe kriminalitet, sulmon edhe Holandën…

Gramoz Ruçi, Kryetar i Kuvendit, ka skandalizuar me një deklaratë të bërë sot kur tha se në kohën e diktaturës nuk kishte drogë, kriminalitet, korrupsion apo fenomene të tjera që janë sot.

Ruçi një nga funksionarët e regjimit komunist dhe ministri i fundit i brendshëm i PPSH-së, nuk ka fshehur nostalgjinë për sistemin e përmbzsur 28 vjet më parë.

“Ndonjëri mund të më quajë nostalgjik por në atë sistem nuk kishte as drogë, as kriminalitet, as korrupsion dhe asnjë nga të gjitha këto fenomene. Ne bëmë zgjedhjen tonë ose të rrëzonim diktaturën dhe Shqipërinë ta hapnim ose të rrinim ashtu. Dhe këto fenomene nuk i sollën shqiptarët, ato i gjetëm mes europianëve”, u shpreh Gramoz Ruçi.

Duke folur për skepticizmin që ka Holanda për çeljen e negociatave me BE, Ruçi thotë se ishin ata të parët që drogën e kanë legalizuar në vendin e tyre.

“Nëse qenka hashashi një fenomen i keq, janë holandezët të parët që e kanë ligjëruar në vendin e tyre”, tha ai.

Deklaratat e Ruçit janë skandaloze, jo vetëm për pozicionin që mban ai, kryetar Parlamenti, por për vetë regjimin e egër të Enver Hoxhës, duke mijëra janë vrarë dhe mijëra të tjerë janë të zhdukur.