Skenari i protestës, Berisha: Sot inaugurohet procesi i largimit të Edi Ramës nga pushteti!

Duke i bërë thirrje qytetarëve të mbarë Shqipërisë të bashkohen në orën 19:00 para Kryeministrisë për të shprehur me protestë vendimin e shqiptarëve për shpëtimin e Shqipërisë nga regjimi kleptokratik i Edi Ramës, Kryetari i Partisë Demokratike, Sali Berisha, bërë të ditur dhe skenarin e protestës së sotme që organizohet nga PD dhe shoqëria civile.

“Kundër shpopullimit të Shqipërisë, kundër manipulimeve të votës dhe sistemeve elektorale, kundër Ballkanit të Hapur, protestojnë fuqishëm mbarë shqiptarët. Duhet të shpreh mirënjohjen dhe ftesën time për qytetarët e Tiranës dhe mbarë Shqipërisë, të bashkohemi në orën 7 në Bulevardin Dëshmorët e Kombit, para ndërtesës së Këshillit të Ministrave, për të shprehur me protestën tonë vendimin e shqiptarëve për shpëtimin e Shqipërisë nga regjimi kleptokratik i Edi Ramës,” tha Sali Berisha duke paralajmëruar se protestat do ndalen vetëm atëherë kur realizojnë qëllimin madhor.

“E rëndësishme është që ne të japim mesazhin tonë të fuqishëm se shqiptarët nuk do ta tolerojnë më këtë regjim, i cili s’meriton të ekzistojë absolutisht as edhe një ditë të vetme. Kjo është protesta që inauguron procesin e largimit të Edi Ramës nga pushteti. Çka do të thotë se protestat ndalen vetëm atëherë kur realizojnë qëllimin madhor.”