Sot nis bashkëbisedimi, Mesazhi Berishës: Foltore për një PD më të bashkuar!

Në prag të nisjes së bashkëbisedimit me demokratë, Ish-Presidenti Sali Berisha përshëndetë mbështetësit e kësaj nisme duke i ftuar në Foltoren për një Parti Demokratike më të bashkuar.

“Miq, një përshëndetje të përzemërt me këtë foto ditën që nisim Foltoren për një Parti Demokratike më të bashkuar, më të fortë, më të hapur,” thekson Sali Berisha në mesazhin e tij përmes rrjetit social Facebook ndërsa përfundon:

Rroftë Partia Demokratike! 

Ndryshe, pas përjashtimit nga Grupi Parlamentar nga ana e Kryetarit të Partisë Demokratike, Lulzim Basha, ish lideri historik Sali Berisha ka vendosur të nis ciklin e bashkëbisedimeve me demokratë duke filluar nga qyteti i Tiranës, ora 18:00 në Hotel Rogner, nismë kjo e pagëzuar “Foltore për një PD më të bashkuar, më të fortë dhe më të hapur”!