Sot, Protestë Kombëtare e Opozitës

Sot opozita organizon Protestë Kombëtare përballë Kryeministrisë me fillim në orën 19:00, në kohën kur korrupsioni qeveritar ka arritur kulmin, euro vazhdon zhvlerësimin, çmimet nuk kanë të ndalur ndërkohë edhe fermerët janë të privuar nga subvencionet për naftën!

Ndërsa anëtarëimi në Bashkimi Evropian, që ishte dhe karta e fundit e kësaj mazhorance tashmë po kalon ditët e saj të vështira si në raport me sundimin e ligjit ashtu dhe zbatimin e Reformës në Drejtësi ku përplasja e Edi Ramës me Prokurorinë e Posaçme tregon se “dorëzimi” i Ish/Zv/kryeministres së pandehurës Belinda Balluku nuk është në rendin e ditës të Qeverisë Rama!

Në prag të kësaj Proteste Kombëtare, Kryetari i Partisë Demokratike, Sali Berisha, u bëri thirrje qytetarëve të bashkohen sot kundër këtij narkoregjimi.

“Sot, ora 19:00 të gjithë bashkë tek Kryeministria kundër këtij narko-regjimi!”

Ndërsakohë Policia e Tiranës ka bërë të ditur se me qëllim të garantimit të mbarëvajtjes së tubimit sot do të kufizohet lëvizja në disa akse rrugore:

– nga ora 23:45 e datës 07.05.2026 deri në përfundim të tubimit, do të bllokohet lëvizja dhe nuk do të lejohet parkimi i automjeteve në bulevardin “Dëshmorët e Kombit”, nga vendi i quajtur “Ura e Dajtit” deri në rrugën “Ismail Qemali”;

– nga ora 15:00 e datës 08.05.2026 deri në përfundim të tubimit, do të ketë bllokim të lëvizjes së automjeteve në bulevardin “Dëshmorët e Kombit”, nga kryqëzimi afër Ministrisë së Brendshme deri te sheshi “Nënë Tereza”, si dhe në rrugët “Ukraina e Lirë”, “Papa Gjon Pali II” dhe “Ismail Qemali”.

Policia e Tiranës apelon që të distancohen në rast se gjenden përballë veprimeve të kundërligjshme që cenojnë rendin dhe sigurisë publike, por nuk këshillohen të gjithë ata që do të përballen me dhunën e patronizhistëve si në protestat e kaluara duke e lënë sërish në duart e qytetarësisë shqiptare që edhe sot mendon se duhet të protestohet kundër organizatës kriminale që po qeverisë vendin.

Njoftim:

Përfaqësues të subjektit politik Partia Demokratike e Shqipërisë kanë njoftuar Policinë e Tiranës për zhvillimin e një tubimi, më datë 08.05.2026, në orën 19:00, në bulevardin “Dëshmorët e Kombit”, para godinës së Kryeministrisë.

Në bazë të ligjit “Për tubimet”, Policia e Tiranës ka marrë masat me qëllim garantimin e mbarëvajtjes së tubimit në vendin dhe afatin kohor të kërkuar.

Në zbatim të këtyre masave, ditën e sotme dhe të nesërme, do të kufizohet lëvizja në disa akse/segmente rrugore, konkretisht:

nga ora 23:45 e datës 07.05.2026 deri në përfundim të tubimit, do të bllokohet lëvizja dhe nuk do të lejohet parkimi i automjeteve në bulevardin “Dëshmorët e Kombit”, nga vendi i quajtur “Ura e Dajtit” deri në rrugën “Ismail Qemali”;

nga ora 15:00 e datës 08.05.2026 deri në përfundim të tubimit, do të ketë bllokim të lëvizjes së automjeteve në bulevardin “Dëshmorët e Kombit”, nga kryqëzimi afër Ministrisë së Brendshme deri te sheshi “Nënë Tereza”, si dhe në rrugët “Ukraina e Lirë”, “Papa Gjon Pali II” dhe “Ismail Qemali”.

Policia e Tiranës apelon për organizatorët e tubimit për respektimin e afatit kohor dhe vendit ku do të zhvillohet tubimi, si dhe kërkon mirëkuptimin e qytetarëve për kufizimin e lëvizjes me automjete.

Gjithashtu, apelon që të distancohen në rast se gjenden përballë veprimeve të kundërligjshme që cenojnë rendin dhe sigurinë publike.