Sot “Robert Çamçakëzi” feston ditëlindjen, Rama: Edhe 100 kryetari ynë dhe vetëm përpara!
Kryeministri Edi Rama ka uruar sot liderin e parë të Partisë Socialiste, Fatos Nano, atë që deri dje e quante “Robert Çamçakëzi”, në 70-vjetorin e lindjes.
Ndonëse për dy herë që iu kërkua nuk i besoi postin e Presidentit të Republikës, kryehipokriti i Shqipërisë sot i uron punë të mira dhe fitore në familjen e përbashkët politike, që sipas Edi Ramës sot, do të ketë gjithnjë nevojë për mbështetjen e këshillat e tij.
“Edhe 100 kryetari ynë dhe vetëm përpara, me shëndet, humor e harmoni në familjen tënde, po edhe me punë të mira e të tjera fitore në këtë familjen e përbashkët politike, që do të ketë gjithnjë nevojë për mbështetjen e këshillat e tua.”
Ndryshe, gjatë fushatës së Fatos Nanos për katarsis në vitin 2001, në kulmin e përplasjeve Nano-Meta, Edi Rama shprehet: “Nano është bërë si Robert Çamçakëzi, fut duart në xhepa dhe bredh nëpër kantier”.
