Video/ “Bombë uji”, përmbytje në Itali, 7 të vdekur dhe 3 të zhdukur

Reshjet e dendura të shiu gjatë mbrëmjes së të enjtes që kanë goditur rajonin italian Marke ka përmbytur shumë zona ku për pasojë kanë humbur jetën 7 persona, derisa 3 konsiderohen të zhdukur, raportojnë mediat italiane.

Autoritetet lokale kanë deklaruar se nuk kishin pritur një “bombë uji” aq papritur. Për 2-3 orë kanë rënë rreth 400 milimetra shi, me ç’rast janë përmbytur rrugët e disa qyteteve në Ancona dhe Pesaro-Urbino.

Pamjet e publikuara nga zjarrfikësit lokal tregojnë se si ekipet e kërkim shpëtimit lëvizin me varka nëpër rrugët e qytetit bregdetar Senigallia, për ti ardhur në ndihmë njerëzve të bllokuar për ti evakuuar, ndërsa të tjerët bëjnë përpjekje të kalojnë nëpër një nënkalim.

Ekipet e kërkim shpëtimit vazhdojnë të kërkojnë të mbijetuarit, theksojnë autoritetet lokale, ndërkohë lideri i Partisë Demokratike, ka bërë të ditur përmes rrjetit social Twitter se do të ndërpres fushatën zgjedhore në këtë rajon, në prag të zgjedheve kombëtare që do të mbahen më 25 shtator.