Sot Sekretari amerikan i Shtetit në Tiranë, ja agjenda
Sot Sekretari amerikan i Shtetit, Antony Blinken, zhvillon një vizitë zyrtare në Tiranë në mes tensioneve politike në Shqipëri, dhe atyre praglufte me Serbinë në Kosovë, si dhe konflikteve luftarake në Ukrainë dhe Gazë!
Për shqiptarët padyshim vizita është historike duke pasur parasysh tensionin politik që ka krijuar Kryeministri Edi Rama dhe sot në tokën shqiptare shkel ai që e mbështetë këtë politikë, Antony Blinken! Më në fund Departamenti i Shtetit ka publikuar dhe axhendën e kësaj vizite, ku konfirmohet se Rama dhe partia e tij edhe gënjejnë në emër të Amerikës, sepse asgjëkundi nuk figuron takimi i shumëpërfolur me kreun e SPAK që u propagandua nga mediat që ka nën kontroll Edi Rama!
Kjo është dhe arsyeja që shqiptarët presin dhe një mesazh konkret nga i pari i DASH!
Në Kosovë gjithashtu kemi një situatë të tensionuar të cilën ndonëse e ka krijuar Serbia me Presidentin e saj kriminal, Aleksandar Vuçiç, po e vuajnë vetëm shqiptarët! Sot shqiptarët presin edhe një mesazh nga kryediplomati Blinken pas kërcënimit shumë të pakuptimtë të ndihmësit të tij James O’Brien, që kosovarët nuk e kishin dëgjuar që nga epoka e Ambasadorit Grenell, e që përkon me mbështetjen pa kushte të diplomacisë amerikane ndaj Beogradit edhe në ditën kur Vuçiç mburret me furnizimet që ka kryer me armatimin në Rusi!
Për ata shqiptarë që pretendojnë se e kuptojnë politikën e DASH, duhet të marrin frymë mirë sepse Presidenti Donald Trump as pas katër viteve në mandatin e tij nuk arriti ta zbërthej këtë institucion që po reziston kohës!
Në fund, dhe konflikti në Ukrainë dhe Izrael-Hamas! Ndonëse shqiptarët nuk e kanë idenë dhe nuk interesohen se çfarë po ndodhë me inceneratorin e Tiranës e lëre më të Elbasanit ose Fierit, të dy konfliktet në fjalë, si ai në Kiev ashtu dhe Gazë, implikojnë Shqipërinë jo vetëm për faktin se janë anëtare të NATO-s. Muhameti mund të mos shkoj te Mali, por, Vladimir Putin dhe Rusia, dje, sot dhe nesër do të mundohet të shkoj te Shqipëria sepse bregdeti i saj është dhe hyrja e saj e brishtë në Ballkan, të cilën vetëm Amerika e ka ruajt dhe po e ruan!
Pse lejohen shkeljet dhe vjedhjet e Qeverisë Rama këto mbeten pikëpyetje që do kërkojnë zgjidhje vendore, por jo dhe ndonjë mesazh konkret që mund të jap sot Sekretari amerikan i Shtetit!
Ndryshe, sot Sekretari amerikan i Shtetit, Antony Blinken, merr pjesë në ceremoninë e nënshkrimit të një Memorandumi Mirëkuptimi mbi Shkëmbimin Akademik Fulbright dhe një Memorandumi Mirëkuptimi mbi Kuadrin për Kundër Manipulimit Informativ të Shtetit të Huaj në Tiranë, Shqipëri.
Ja dhe agjenda e plotë e vizitës tetorëshe e Sekretarit amerikan të Shtetit, Antony Blinken, në Shqipëri:
Agjenda:
Ora 13:35 Blinken zhvillon një takim dhe përshëndetet me punonjësit e Ambasadës Amerikane në Tiranë
Ora 14:15 Blinken takohet me aplikantët afganë për vizë emigruese speciale në Tiranë, Shqipëri.
Ora 15:05 Blinken takohet me Presidentin shqiptar Bajram Begaj në Tiranë
15:35 Sekretari Blinken mban fjalime në një aktivitet të të rinjve dhe të diplomuarve me temë “Festojmë të ardhmen e marrëdhënieve SHBA-Shqipëri” në Tiranë, Shqipëri.
Ora 16:15 Sekretari Blinken takohet me kryeministrin shqiptar Edi Rama në Tiranë, Shqipëri.
Ora 17:55 Blinken merr pjesë në një ceremoni nënshkrimi për një Memorandum Mirëkuptimi mbi Shkëmbimin Akademik Fulbright dhe një Memorandum Mirëkuptimi mbi Kuadrin për Kundër Manipulimit Informativ të Shtetit të Huaj në Tiranë, Shqipëri.
Ora 18:10 Sekretari Blinken dhe kryeministri shqiptar Edi Rama mbajnë një konferencë të përbashkët shtypi në Tiranë, Shqipëri.
Me përfundimin e konferencës për Shtyp, Sekretari amerikan i Shtetit, Antony Blinken, udhëton drejt Munichut ku pritet të marrë pjesë në Konferencën e Sigurisë.
