SPAK kërkon dy vite burg për Kryetarin e Bashkisë Shkodër, Benet Beci
Prokuroria e Posaçme Antikorrupsion, SPAK, ka kërkuar dy vite burg për Kryetarin e Bashkisë Shkodër, Benet Beci.
Mësohet se Benet Beci akuzohet për favorizim në tendera në kohën kur drejtonte KESH. Fjala është për favorizimin e kompanisë “Consulting & Management Albania” sh.p.k. në procedurën e një prokurimi me vlerë rreth 700 mijë euro.
Ndryshe, hetimet ndaj Benet Becit dhe gjashtë vartësve të tij nisi pas verifikimit dhe analizimit të provave materiale të sekuestruara gjatë kontrollit të ushtruar në banesën e Evis Berberit, i cili akuzohet gjithashtu për shkelje të barazisë në tendera dhe pastrim parash.
