Spanja u eleminua nga Kupa e Botës/Smolov: Gati të vdisnim në fushë

Rusia ia doli mbanë me sukses në sfidën e saj të paimagjinueshme duke mundur Spanjën pas ekzekutimit të penalltive, duke eliminuar “Furitë e Kuqe” nga Botërori.

Në përfundim të ndeshjes, Fedor Smolov, ekzekutuesi i 11-metërshit të parë për Rusinë, e komentoi kështu fitoren e përfaqësueses së tij.

“Është e vështirë të besoj që ja dolëm vërtetë, jemi shumë të lumtur. Të gjithë thonin se ishin gati të vdisnin në fushë dhe është ajo që bëmë. Pavarësisht se jo të gjithë mundën të aktivizohen, çdo njëri prej nesh ka dhënë më shumë se 100% të mundësive dhe tani ndodhemi në çerekfinale. Faleminderit të gjithë atyre që na kanë mbështetur”, deklaroi Smolov.