Spanjë, përplasen dy trena me shpejtësi të lartë, të paktën 50 të vdekur
Në përplasjen e dy trenave me shpejtësi të lartë në të cilët po udhëtonin mbi 500 pasagjerë, kanë humbur jetën të paktën 50 persona.
Aksidenti ndodhi pranë Adam Uza në Spanjë, ku u përplasën trenat që udhëtonin për në dhe nga Madridi.
Sipas informacioneve të fundit nga Sky News, në trenin me shpejtësi të lartë AVE të transportuesit spanjoll Renfe kishte 397 pasagjerë, ndërsa në trenin e dytë, të operuar nga transportuesi Iryo, në kohën e përplasjes kishte 147 persona.
Sipas këtyre të dhënave, në të dy trenat kishte gjithsej 544 persona.
WATCH: Horrifying footage shows train car apparently torn in half after collision between Los Yébenes and Urda in Toledo, Spain; at least 179 injured https://t.co/gY1zpqWSWh
— Klaxon Wire (@KlaxonWire) October 28, 2026
Ky është aksidenti i dytë i madh në hekurudhat me shpejtësi të lartë të Spanjës në vetëm nëntë muaj. Në janar, 46 persona vdiqën në një përplasje midis dy trenave pranë Adamuz. Tragjeditë e reja kanë ngritur pyetje në lidhje me sigurinë e njërit prej rrjeteve më të mëdha hekurudhore me shpejtësi të lartë në botë.
Ndryshe, Spanja ka rreth 4.000 kilometra hekurudha me shpejtësi të lartë, më shumë se çdo vend tjetër evropian. Rrjeti është zgjeruar shumë në dekadat e fundit dhe numri i pasagjerëve është pothuajse dyfishuar. Por ekspertët kanë paralajmëruar prej vitesh se investimet në mirëmbajtje nuk ndjekin një zhvillim të tillë.
